|
ولد عمي دوغان ... هذه الايام اعيش فرحه لامثيل لها الا وهي فوز ابن العم الغالي رجب بن طيّب بن دوغان حاكم تركيا للمره الثالثه على التوالي ولله الحمد .... وللمعلوميه الاخ رجب هو حفيد المغفور له عمي (دوغان الفريدي) الذي ذهب بالقطار من المدينه المنوره نهاية حكم الاتراك بها وقد حاول جدي وربع معه من عيال راشد البحث عنه في اسطنبول وعندما لقوه صاحوا (أر ) يعني شف -دوغان- ولكنه اختفى في الزحمه وهنا صار اسمه المركب( أردوغان )وقد قلت بهذه المناسبه السعيده هذه الابيات : ياقبلت الله على اردوغان=صوتٍ وصوره وشخصيه سلطان في ديرة السلطان=ويحكم له اقوام تركيه ورث خلافة بني عثمان=اللي لها امجاد مبنيه ريّس حكومه وبعد فنان=ويظهر بلقطات فنيه والشعب مايرفع الهريان=اللي مساعيه دونيه مايرفع الا عظيم الشان=مع (طيبته) صادق النيه مواقفه دايمٍ عنوان=في كل محطه فضائيه وشجاعته تتعب الركبان=اهان دوله يهوديه ماهي مواقف عرب لبنان=وحكام ليبيا وسوريه الشعب بديارهم ينهان=لو هو يطالب بحريه وتداس روسه مع الابدان=باقدام شلة حراميه ذولا العرب دايمٍ عربان=والترك وحده اسطوريه اهدي سلامي على اردوغان=وايضا على العالم الحيه وان كنت جاهز يابن سدحان=جيتك زياره ووديه نبي نهني ولد (دوغان)=على انجازه (الثلاثيه) وسلامتكم |
رد: ولد عمي دوغان ... اخوى الكبيربقدره خلف بن عتاق الفريد كان العلم صحيح أنا خويلك ومعي حاشي للحفله اللي نبي نسويها له هذا ولد عم وحاكم صح لسانك قفشاتك لها وقع خاص ابا عبدالعزيز تحيتي |
رد: ولد عمي دوغان ... اقتباس: المشاركة الأصلية كتبت بواسطة خلف الفريد http://www.alfredah.net/forum/elfard...s/viewpost.gif هذه الايام اعيش فرحه لامثيل لها الا وهي فوز ابن العم الغالي طيب بن رجب بن دوغان حاكم تركيا للمره الثالثه على التوالي ولله الحمد .... وللمعلوميه الاخ طيب هو حفيد المغفور له عمي (دوغان الفريدي) الذي ذهب بالقطار من المدينه المنوره نهاية حكم الاتراك بها وقد حاول جدي وربع معه من عيال راشد البحث عنه في اسطنبول وعندما لقوه صاحوا (أر ) يعني شف -دوغان- ولكنه اختفى في الزحمه وهنا صار اسمه المركب( أردوغان )وقد قلت بهذه المناسبه السعيده هذه الابيات : الف الف مبروك ابوعبدالعزيز فوز ولد عمك دوغان الفريد يستاهل فيه اكتشاف جديد بعد هذه المقدمه اكتشفت ان لديك موهبه كتابة القصة الروائيه بأنتظار اولى كتاباتك في هذى المجال ياقبلت الله على اردوغان=صوتٍ وصوره وشخصيه سلطان في ديرة السلطان=ويحكم له اقوام تركيه ورث خلافة بني عثمان=اللي لها امجاد مبنيه ريّس حكومه وبعد فنان=ويظهر بلقطات فنيه والشعب مايرفع الهريان=اللي مساعيه دونيه مايرفع الا عظيم الشان=مع (طيبته) صادق النيه مواقفه دايمٍ عنوان=في كل محطه فضائيه وشجاعته تتعب الركبان=اهان دوله يهوديه ماهي مواقف عرب لبنان=وحكام ليبيا وسوريه الشعب بديارهم ينهان=لو هو يطالب بحريه وتداس روسه مع الابدان=باقدام شلة حراميه وعريبيا دايمٍ عربان=والترك امه اسطوريه اهدي سلامي على اردوغان=وايضا على العالم الحيه وان كنت جاهز يابن سدحان=جيتك زياره ووديه نبي نهني ولد (دوغان)=على انجازه (الثلاثيه) وسلامتكم وعريبيا دايمٍ عربان ... واترك امه اسطوريه ابو عبدالعزيز صح لسانك ودامت افراحك ولاعدمناك |
رد: ولد عمي دوغان ... نعم فريدي وأبو جده أسمه سالم وأنا أعزمكم على زواجي من بنته الكبرى تدرس في أمريكاءلرفض الجامعات التركيه لها لحجابها وآخرت الزواج لضروف الأنتخابات ويمكن يكون الزواج بعد العيد الله يحييكم سوف أبلغكم بالتاريخ صح لسانك يالفريد والزواج فيه أمسيه ونبي المشاركه بهالقصيده |
رد: ولد عمي دوغان ... صح الله السانك ابو عبد العزيز على القصيدة الرائعه والمقدمة الرائعه والجميلة بنتظار جديدك المميز تقبل مني اجمل تحية |
رد: ولد عمي دوغان ... ريّس حكومه وبعـد فنـان ويظهـر بلقطـات فنـيـه ابو عبدالعزيز صح لسانك ياقبلت الله على اردوغان |
رد: ولد عمي دوغان ... حقيقة يابوعبدالعزيز خيالك واسع وأرضك خصبة في الشعر والأدب ماشاءالله عليك يحفظك المولى |
رد: ولد عمي دوغان ... ايها النجوم اللامعات في سمائي .... ابو فيصل ... صح بدنك وهذا وفاء منك وقد يكون الحاشي لغرض ثاني اعلمك فيه والله يقويك :160: ابوحمد ... صح بدنك وكان تبي عماله شي ترانا جاهزين الواسطه قويه هههههه ابو عمر ... خل عنك الله يهديك ، معلوماتك فيها مبالغه ووهم ، البنات ثنتين اللي تدرس بامريكا راحت لبوفيصل والصغيره بتركيا تدرس (تاريخ القبايل) والظاهر انها فاتت لخوك :086: المشعل ... صح بدنك واشكرك على جمال المرور لاهنت ابو فايز ... مرورك جدد الهمه وانت الجديد دائما وصح بدنك لاهنت .... بن سدحان .... مرورك المؤدب زاد متصفحي بهاءّ وفخامه كفخامة توقيعك الراقي شكلا ومضمونا لاعدمتك .. اشكركم على هذه المشاعر الاخويه وما هذه المشاركة الا هدف لادخال السرور الى القلوب ولاظهار بسماتكم الجميله واعتب قليلا على من مروا ولم يتكرموا بتعليق مضحك او مجاملة مواسيه ومع ذلك ، مجرد رؤية اسمائهم دليل المحبه والموده .. وشكرا |
رد: ولد عمي دوغان ... صح اللسانك ياعندليب قصيده مشرفه بكل ماتحمل الكلمه من معنى تقبل مروري وتحياتي الممزوجه بالحب والولاء |
رد: ولد عمي دوغان ... نبارك للامة الاسلامية فوز اردوغان ونشكرك عندليب المجالس على هذا الصدح الراقي تقبل وافر التقدير |
رد: ولد عمي دوغان ... والله من يوم شفت العنوان دريت إن الموضوع بتوقيع أبو عبدالعزيز :) صح لسانك ،، ودوماً الإنتصار لحزب العدالة ^_^ والله ذيب اردوغان ( يكفيك إنّه ما تعسره كلمة حق ) شكراً لك عندليب المجالس ودوماً مبدع |
رد: ولد عمي دوغان ... هلا هلا ابوعبدالعزيز صح لسانك ،،، يستاهل اردوغان حقق انجازات غير مسبوقة في هذه الانتخابات ايوالله جــــــــــــــــــــــــ ــااااااااااااااااااااااا ااااااااااااااااااااااااا ااااااااااااااااهز وأهم شي ابوفيصل يكون معك أخاف تسوي سواة عمك دوغان ههههههههههه |
رد: ولد عمي دوغان ... عظم العرب صح لسانك ابيات جميله وسالفة ار ..دوغان معلومه محد سبقك عليها تسلم روحك المرحهـه وتسلم قوافيك تحيتي وتقديري |
رد: ولد عمي دوغان ... الغالين دوماً ..... ______ ابو منصور ابو يارا ابو عبد الملك ابو محمد ابو مهره مشاعركم تسطرت هنا نورا يضيء معرفي ويجمل حروفي ... ان سررتم بهذه المداعبه فهذا اقصى ماكنت آمل ... اشكركم على كل جملة وحرف ... لاعدمتكم |
رد: ولد عمي دوغان ... نعم فريدي وأبو جده أسمه سالم وأنا أعزمكم على زواجي من بنته الكبرى تدرس في أمريكاءلرفض الجامعات التركيه لها لحجابها وآخرت الزواج لضروف الأنتخابات ويمكن يكون الزواج بعد العيدالله يحييكم سوف أبلغكم بالتاريخ صح لسانك يالفريد والزواج فيه أمسيه ونبي المشاركه بهالقصيده جيت بطلع حق الضعيفه واقول محد يقطع رزقك يابنت(ار)دوغان وش اسمه دمتم تمنون تركيا ولاتحصل لكم |
رد: ولد عمي دوغان ... شموع من طول الغيبات جاب الغنايم ... ولا جبتي الا هالكلمتين !!!! وش ارد عليهن مافهمت شي عجبي |
| الساعة الآن 07:15 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir