يامرحبا من غمرنا في تعابيره=يستاهل الطيب من جابه ومن حاشه
ابداع بالمفرده وابداع تصويره=كنه يفتش عن الابداع منقاشه
هذاك سلطان لا قلناه ماغيره=عساه ماجور في حله ومطراشه
من ساس قومٍ تعرف الطيب والجيره=ولها مواقف نهار الكون بطاشه
عزالله انه يبي يارد على بيره=يارد على البير والعدوان منحاشه
مدحت في منتدانا زدت تنويره=ماكنه إلا حليب النوق بغراشه
كله من الله توريده وتصديره=ثم العمل في قلوبٍ كنها الشاشه
واقول يامرحبا واعيد تكريره=والمنتدى بانتظارك ولع فلاشه
نايف بن مياس

صح لسانك يابن مياس لاهنت
قصيدة رائعة وجميلة فيها من الابداع الكثير ...
وليس للوفاء الا الوفاء وانت كفيت ووفيت ...
يستاهل رد الثناء سلطان الوسيدي كما يشكر ابن مطيع موصل الرساله ...
وشكرا ولك تحيتي