ياهابس اسمع لاعدمتك وش اقول=من صافي المعنى بديت بكلامي
تعبير والتعبير لابده يطول=في مدح من مدحه يزين الاسامي
اسمه رجا , من مدهل رجال وزحول=( بني علي ) لاحل وقت الزحامي
حمول خيل وطيبهم دايم يجول=في معترك دنيا الخلايق لزامي
حتى عداهم تذكر فعول وفعول=يومه يقص العظم حد الحسامي
فعل ٍ مع العربان ماهو بمجهول=يوم ٍ دس الطير حاز الوسامي
واليوم بين الناس ضابط ومسؤول=رجا بن نافع رفيع المقامي
له وقفة ٍ لاقل ّ بالماقف حلول=ماهو بلازم تتخذلك محامي
فكره : لصعبات المهمات مصقول=سيف ٍ يحل المعظلات الجسامي
قلته , وحبل الراي مثني ومجدول=والحمدلله كل ربعي حشامي

المشاركة الأصلية كتبت بواسطة غازى بن عجاب أبوزوايد (المشاركة 218945) صح لسانك اخوى نواف فارع ونعم والله بحمول الخيل وقصة دس الطير يعرفها القاصى والداني لاهنت بمدح ربعك والطيب يستاهل المدح ولو مانت كفو مامدحت الكفو تقبل تحيتي

المشاركة الأصلية كتبت بواسطة خلف الفريد (المشاركة 218947) ابو عبد السلام تضل دائما عنوان الوفاء والمحبه ورد الجميل ... سلمت على هذه الابيات الرائعه الموجهه والمسنده الى رجال يعرفون قدر القبيله ... ونعم و الف الف نعم بحمول الخيل منهم المعروف ومنك رده ... اشكرك على هذه الابيات الجميله من شاعر يعرف مايقول لاعدمتك

المشاركة الأصلية كتبت بواسطة علي الجضعان (المشاركة 218949) صح لسانك يابو السلام يستاهل رجاء نافع العلوي وهابس من الرجال اللي يفخر كل من يعرفه بعرفه وبني ربعنا وطيبهم من طيبنا ولاهو غريب العلم الغانم عليهم هم أهله حمول الخيل