|
ردي على صاحب الابيات الحقيقه هو لم يتجه الى ربه في مصيبته يبني على الماضي وينسى المقابيل=ويجرد ايدينه على حفر قبره الياس يقعد في نفوس الهراميل=الا مع اللي لاشبر زاد شبره الصبر مايبحث خفايا الرجاجيل=والحر به ميزه وصمله ودبره والونونه مامن وراها محاصيل=حنا يكفينا من الصوت نبره ايامنا فيها من العدل والميل=وياكبر يوماً ماحسبنا لكبره ان كان للايمان بقلوبنا حيل=ناخذ من اولى قدرة الله عبره لله من خلقه عبادة وتهليل=ومن صد لاشاف المصايب يخبره والفلسفه مالي عليها مداخيل=الا الصراحه لو لها موضع ابره ولوقيل حللنا عنأ الوقت تحليل=لازال ينقصنا جراءه وخبره وصدام طشته الحيل والمحابيل=مافاد فيه الشعر كسره وجبره |
رد: ردي على صاحب الابيات نواف صح لسانك على هذا الرد الجميل ... وانا في ردي عليك قبل ان ادخل هنا توقعت انه لغز ولعل جوابك صائب اشكرك |
رد: ردي على صاحب الابيات أخووووي نواف صح السانك قصيدة رائعه ورد أروع ولعل صاحب القصيدة ان يطلع على الرد ولو بعد حين عن طريق الشيخ قوقل:113::113: تقبل مروري برغم انني اظم صوتي لعنصر الخبرة ابو عبد العزيز الذي كتبه في القسم الاخر **وتمنى منك اضافة القصيدة السابقة الى القصيدة الحالية ......شكراً لك |
رد: ردي على صاحب الابيات صح لسانك ولسان الشاعر المرسل يبدو انه شاعر متمكن |
رد: ردي على صاحب الابيات صح لسانك اخي نواف بن هلال قصيدة رائعة جدا تقبل وافر التقدير |
| الساعة الآن 02:03 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir