![]() |
محاكاة الهجوس......نايف بن مياس يا هجوسٍ ليامني بغيته=راق للبال لو ماهو برايق كنه الطير لا صحت ودعيته=خابرٍ عند صقاره علايق عارفٍ قدر طيري ماشويته=من حرارٍ مواكرها عرايق سم جوز الحباري لا لقيته=عادة الحر تفريق الشقايق لاطلب تل مسباقه عطيته=كل صيده من اللجه لحايق لاضرب صيدته ضربه مميته=الثنادي يخليها شلايق بين جمع الولع معروف صيته=مارس الصيد في عدة طرايق القصيد ابتلاني مابليته=ما اختلف بين مستانس وضايق وهبة اللي خلقني ماهويته=والتوافيق من رب الخلايق بس انا زدت علمه واحتويته=وامتلك له شهادات ووثايق افهم النص لا مني قريته=واعرف النور من نار الحرايق واتقن القاف لامني بديته=واختمه مايكلفني دقايق نايف بن مياس الفريدي |
رد: محاكاة الهجوس......نايف بن مياس نايف القصيده جميله ومعانيها واضحه صح لسانك وارجو مراجعة الشطر الاول من البيت السابع لانه مكسور او ان الياء في جميع زائده (جمع) اشكرك |
رد: محاكاة الهجوس......نايف بن مياس شاعرنا القدير نايف صح لسان وعلا شانك قصيده في منهتى الروعة |
رد: محاكاة الهجوس......نايف بن مياس اتوقع اليا زايده ولعله يريد (جمع) صح لسانك اخوي نايف انت لاتقل عن طيرك جزاله وتقبل مروري قبل وبعد التعديل |
رد: محاكاة الهجوس......نايف بن مياس صححح لسانك يا نايف قصيدة رائعه تقبل مروري |
رد: محاكاة الهجوس......نايف بن مياس اقتباس: المشاركة الأصلية كتبت بواسطة خلف الفريد http://www.alfredah.net/forum/elfard...s/viewpost.gif نايف القصيده جميله ومعانيها واضحه صح لسانك وارجو مراجعة الشطر الاول من البيت السابع لانه مكسور او ان الياء في جميع زائده (جمع) اشكرك صح بدنك اشكرك على المرور صحيح اليا زايده كانت خطا إملائي لك الشكر على التوضيح كتن في محله |
رد: محاكاة الهجوس......نايف بن مياس اقتباس: المشاركة الأصلية كتبت بواسطة أصيل العود http://www.alfredah.net/forum/elfard...s/viewpost.gif شاعرنا القدير نايف صح لسان وعلا شانك قصيده في منهتى الروعة صح بدنك مرورك زاد من روعة القصيده |
رد: محاكاة الهجوس......نايف بن مياس اقتباس: المشاركة الأصلية كتبت بواسطة نواف بن هلال http://www.alfredah.net/forum/elfard...s/viewpost.gif اتوقع اليا زايده ولعله يريد (جمع) صح لسانك اخوي نايف انت لاتقل عن طيرك جزاله وتقبل مروري قبل وبعد التعديل صح بدنك اخوي نواف الفق شكر على المرور |
رد: محاكاة الهجوس......نايف بن مياس اقتباس: المشاركة الأصلية كتبت بواسطة سلطان الفضلي http://www.alfredah.net/forum/elfard...s/viewpost.gif صححح لسانك يا نايف قصيدة رائعه تقبل مروري صح بدنك يالفضلي لك الشكر |
رد: محاكاة الهجوس......نايف بن مياس أخووي نايف صح السانك على القصيدة والايراد هنا تقبل مروري ...........مع التحية لشخصك الرائع |
الساعة الآن 06:44 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir