|
مجاراة ..... ابو فيصل بما انك منعت ابو عمر ... العود ماقيدت يديه واليكم هذه الصخريه الجديده ان ضبطت والا لاتواخذون شايبكم اول مره يطرق هذا البحر : الا ياعاشقين الشعر مرّوا=والا ياعين شوفي واستفيدي بيوتٍ كنها نجم الثريا=نظمها غازي بعقدٍ فريدي تسابق عند شاعرها وتبارى=ولو تنطق تقول امرك ياسيدي متى هبنا يابو فيصل ولنّا=وحنا نتعب الخصم العنيدي شربنا المي من ينبوع صافي=ويبلع غيرنا قالب جليدي صخرت القاف ياناحت صخرها=مثل ماصخر الهاف الحميدي تطمن ياولد عمي تطمن=ترى المبنى على ساسٍ حديدي عيال العود من حولك "زناتا"=عضودك وانت يالغالي عضيدي |
رد: مجاراة ..... صح لسانك يا خلف الفريد تقول يمكن ما تقنه إلا اتقنته وابدعت لك الشكر |
رد: مجاراة ..... مرحبا ببو ارجوان ..ماشاء الله اسمها حلو الله يحفظها ... وصح بدنك لاهنت وهذه شهادة اعتز بها ويعلم الله ان هذه اول مره اطرق الصخري ولكني سويتها وانا اغنيها والا كان كشتناهههههههههههه لاعدمتك |
رد: مجاراة ..... الله الله .. لازلت أردد ( مفاعيلن مفاعيلن فعولن ) غريب الدار ومناي التمني .. سلمت قوافيكم والحانكم . ونعم فيك وبربعك : أبوعبدالعزيز . وصح لسانك مدد . تحيتي وتقديري . |
رد: مجاراة ..... صح لسانك ياخلف ولسان ابو زوايد وقد احرمنا رد الملقب بشاعر الرومانسيه ابو عمر علي الجضعان بفرض عدم الرد ويجوزلك يابو زوايد مالايجوز لغيرك صح السنتكم ولك فايق التقدير والا حترام |
رد: مجاراة ..... عيال العود من حولك "زناتـا" عضودك وانت يالغالي عضيدي اخوى الكبير بقدره خلف بن عتاق الفريد مالاحقني شك ياعظم العرب يقول الوالد رحمه الله ( ربعي وأنا منهم على الطيب ومصيب) صح لسانك ابا عبدالعزيزمجاراه رائعه سعدت بها جداً لك تحيتي |
رد: مجاراة ..... تطمن ياولد عمي تطمن 0000 ترى المبنى على ساس حديدي ابو عبد العزيز صح السانك ولسان ابو فيصل الي حرك مشاعرك على الابداع وتقبلو مروري |
رد: مجاراة ..... كل الشكر لكم ايها الاحبه مروركم تشريف وثقتكم اعتزاز لاهنتم |
رد: مجاراة ..... ابو عبدالعزيز صح لسانك لاتعليق يصعب الرد على هكذا ابيات لذى اقف احتراما لك ولشعرك لك تحياتي |
رد: مجاراة ..... صح الله السانك ابو عبد العزيز قصيدة جزله من شاعرنا الجزل عندليب المجالس ابداع ابو عبد العزيز انك تعوم ببحور ومحيطات! الشعر ولاتغرق ...حينما يغرق الأخرون تحياااااااااااااتي لك وتقديري |
| الساعة الآن 01:24 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir