يامن عليها سمـاي مغيّـم جـوّه=والنوم لي وقت وعيوني مفارقهـا
جمر الغلا جوف صدري ماخبا ضوّه=والعين دمع الوله والشوق مغرقها
برق الأمل لاح لكن ماصـدق نـوّه=بالغيمه اللّي جذبني نـور بارقهـا
ياليل مااطولك درب المغترب تـوّه=وجيوش الأيام صكّتبـي بيارقهـا
الهم قلبـي بكمّـه عاقـد الخـوّه=ومياسم الوقت واسمتـه مطارقهـا
فرقاك طالت وزادت بيننـا الهـوّه=واليوم بنت الأمل شابت مفارقهـا
صبرت كلّه وفاء واخلاص ومـروّه=البال مشغول والاعصاب محرقهـا
ياقلب زلّك ليـا زل الوعـد طـوّه=نوافـذ الوقـت لاتقعـد توايقهـا
ترى الغلا قود ماهو سوق بالقـوّه=وبعض الأماني سنين العمر تسرقها
لايستثيرك حكـي شمّـات ومفـوّه=وكثر الهواجيس فج الصدر واعتقها
قلّه على راااحتك واللّي تبي سـوّه=مافيه داعي قلوب النـاس تدرقهـا
ولايغرّك اللّي نباه ألفـاظ محلـوّه=ولا كل كلمه ليـا قيلـت تصدقهـا
العشق بحره يدير الـراس ويتـوّه=كم عالم غرقت بجوفـه زوارقهـا