|
مشاركة الشاعر الكبير حمود الفريدي بمسابقة شاعر الملك هذه المشاعر صاغها بعفوية متناهية الشاعر الكبير / حمود بن محمد الفريدي لتكون شاهداً لما تحمله قلوب الشعب السعودي عامة من حب لخادم الحرمين الشريفين حفظه الله ورعاه القصيد انصب هماله وهبّت نوده=والمشاعر دونت بالنادرات اجددها واستضافة شاشة المرقاب كل اوفوده=اسعد الله راعي الفكره ومن ييدها في مقام اللي يمينه للعطا ممدوده=الصعاب اللي تضيم الشعب عنه ابعدها الخيال اللي تزاحم بارقه ورعوده=ربعت منه الجزيره مثل ما عودها غب سيله جل نبته واثمرن اوروده=والبراري بالنبات تسر من شاهدها القصيد اللي تقاعس عنه وش مردوده=يوم كلٍ في محيطه سابقه يلكدها ابا ابارك وابا شارك للفرح بالعوده=وابرك الايام عودة سيدي واسعدها قبلها 90 يوم اعصابنا مشدوده=الليال اللي تريح الناس ما نرقدها يالله انك تحفظه وتبلغه مقصوده=والسنين الباقيه في صحته مددها مرحبا بالعاهل اللي نفتخر بجهوده=مرحبا جميع شعب المملكه رددها دون جاره يوم نادى واقفته مشهوده=السباع العاديه يوم اعتزى هجّدها لينٍ في حال وإلا من جهه ياكوده=فيصليٍ شب نار الفيصلي ووقدها الزعيم اللي لشعبه سيرته محموده=الامانه يوم عاهد خالقه جودها الله انه يعتني في صحته ويزوده=ويتقبل له دعاه وسجدةٍ يسجدها الوفي اللي اليا واعد وفا بوعوده=الظروف اللي تواجهنا يحل عقدها والله انا عايشينٍ في رخاء بوجوده=في ضمان ووسط أمان ونعمةٍ نحمدها كلنا نحفظ ولاه وكل ابونا جنوده=لعنبوا من خان بالبيعه ومن يجحدها الوطن حنا حماه مجودين حدوده=باامركم ياقايد النهضه ويارايدها السيوف اللي لها مات العدا مجروده=اليدين اللي تمد لدارنا نجلدها بيّض الله وجه ابو متعب وشد عضوده=في سلالة مسس الدوله ومن وحدّها |
رد: مشاركة الشاعر الكبير حمود الفريدي بمسابقة شاعر الملك ابو يارا بارك الله فيك على نقل هذه القصيده الجزله القصيد اللي تقاعـس عنـه وش مـردوده يــوم كــلٍ فـــي محـيـطـه سـابـقـه يلـكـدهـا يستاهل ابو متعب اكثر صح السان ابو محمد |
رد: مشاركة الشاعر الكبير حمود الفريدي بمسابقة شاعر الملك الله انه يعتني فـي صحتـه ويـزوده ويتقبل له دعـاه وسجـدةٍ يسجدهـا الأخ منصور بيض الله وجهك على النقل الجميل وصح لسان أبونآصر مليون تقبل مروري |
رد: مشاركة الشاعر الكبير حمود الفريدي بمسابقة شاعر الملك صح لسان الشاعر على هذه القصيدة الجزلة الوطنية ويستاهل ابو متعب هذه القصيدة والمدح واشكرك ابو يارا على هذا النقل الرائع |
رد: مشاركة الشاعر الكبير حمود الفريدي بمسابقة شاعر الملك صح لسان ابو ناصر ... قصيدة رائعه من راس وافي .. هكذا عودنا ابو ناصر على الجزالة والفخامة الشعريه خصوصا وان مناسبة القصيدة غالية على القلوب ... ابو يارا عودتنا على نقل كل جميل ورائع ... لاعدمتك |
رد: مشاركة الشاعر الكبير حمود الفريدي بمسابقة شاعر الملك بيض الله وجه ابو ناصر على الابداع ولاغرابه من شاعر يحكم الكلمة ويصور الواقع وشكر كل الشكر لصاحب النقل المميز الذي لايقطف من ثِمار الشعر الا اجوده |
رد: مشاركة الشاعر الكبير حمود الفريدي بمسابقة شاعر الملك صح الله السان الشاعر القدير ابو ناصر شاعر علم وغني عن التعريف قصيدة أبدع وتميز بها وصح الله السانك مليوووووون مرة يبو ناصر الأخ العزيز منصور شرفتنا في الاضافة المشرفة والجديدة ولايستغرب منك نقل والحرص على كل جديد في الساحة وهذا دليل على هتمامك تقبلو موروي لكما |
رد: مشاركة الشاعر الكبير حمود الفريدي بمسابقة شاعر الملك مشاعر فياضة , بمن يستحق , فسلم لنا أبومتعب , ودامت القوافي في إظهار صور مدح أخلاقه . صح لسان الشاعر . ودام نقلك واختيارك الرائع أبو يارا . تقبل جزيل الشكر والاحترام بزجل مانقلت . |
رد: مشاركة الشاعر الكبير حمود الفريدي بمسابقة شاعر الملك صح لسااان الشاعر حمود ولك الشكر على اثراءنا بهذه القصيده وخاصه انها بقائد الامه |
رد: مشاركة الشاعر الكبير حمود الفريدي بمسابقة شاعر الملك صح لسانه والله يعطيك العافيه يابو محمد |
رد: مشاركة الشاعر الكبير حمود الفريدي بمسابقة شاعر الملك ابيات غايه بالجمال وصح اللسان قائلها ابو يارا يعطيك ربي الصحه والعافيه تقبل تحياتي واحترامي |
رد: مشاركة الشاعر الكبير حمود الفريدي بمسابقة شاعر الملك صح لسان الشاعر ابو ناصر على هذه القصيده الجزلة واشكرك اخي ابا يارا على هذا النقل الرائع |
| الساعة الآن 07:31 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir