قصيدة الطياره

اقتباس:
المشاركة الأصلية كتبت بواسطة ابوحمد
الله الله يابو فيصل
مــــارحـــــت أدور لابــــســـــات الـــزمـــامــــي
ولاقــــريـــــع الـــــكـــــاس فــــــــــي بـــارخـــمــــار
بيض الله وجهك وصح لسانك مليون وصح لسان ابن العم الشاعر مهل معجب
حقيقه ابداع يابو فيصل لاهنت

وأنت وجهكــ ابيض
أخوى أبو حمد ولاهنت على المرور والإشاده
تحيتي

ياراكب اللي مثل فرخ القطامي

يوم أقلعت شكمانها يشتعل نار

منه اللهب خمسين مترن تمامي

تقول ماكوكن على الأرض دوار

يسوقها الكبتن لواء من شمامي

من رتبت ملازم مع الجوطيار

خريج دوره من معاهد ميامي

ولد الامريكاني تقل يطلبه ثار

مدربه تدريب قاسي وحامي

ياما تخرج للمهمات بيطار

ساعة ركب فيها وصك الحزامي

فحص محركها ودقه بالأزرار

صك الكبينه وأعلن الأستلامي

قال إستلمت الطائره دون تكرار

وشلّع بها قبل حلول الظلامي

متوجه للشرق ياواق الأخطار

متوجه برسالتي وبسلامي

وأزكا تحيه من ظميري للأخيار

الى وصلت ديار قومن كرامي

نزل خطاب بداخله خمسة أسطار

تعبير من قلبن طواه الهيامي

دارت به الأيام والوقت غدار

ويومن أبو خلف عليّه يحامي

مهل ولد معجب إلى صارماصار

أشكي عليك الحال يابن العمامي

وعندك جميع اللي حصللي من أخبار

مارحت أدور لابسات الزمامي

ولاقريع الكاس في بارخمار

لاوالذي ينشى حقوق الغمامي

مرسي سفينة نوح فى غب الأبحار

المقصد إني من رجالن حشامي

يبو خلف وأخاف من هرج هذار

الخايبين الناقصين الخمامي

المبغضين اللي يبيحون الأسرار

هذا وأنا ماليلتن في منامي

ماشفتكم قدام عيني وحضار

تمت وصلوا كثر عدالانامي

على النبي المصطفى سر وجهار

رائعة بكل ما ذكرت وبررت
صح لسانك وسلم راسك
فعلا قصيدة جزله
استمتعت بقراءتها

اخوى
ابو الرجال
اشكر لك مرورك ولاهنت يالغالي
تحيتي

صح لسانك يابو فيصل .... اتوقع اني رديت من قبل
وهاذه المره الثاني اقول صح لسانك

صح لسانك وعلا شانك يابن العم
رائعه هذه الكلمااات ..
ولتعلم ان الناس ترى عيوب غيرها ولاتنظر لعيوبها ..
ونحن لسنا ملزمين بتبرير تصرفاتنا لهم ..

تقبل اضافتي ومروري

المشاركة الأصلية كتبت بواسطة نواف بن هلال

صح لسانك يابو فيصل .... اتوقع اني رديت من قبل
وهاذه المره الثاني اقول صح لسانك

اخوى
الشاعر نواف بن هلال
لاهنت على المرور وآسف على التأخير بالرد
تحيتي

المشاركة الأصلية كتبت بواسطة ريم

صح لسانك وعلا شانك يابن العم
رائعه هذه الكلمااات ..
ولتعلم ان الناس ترى عيوب غيرها ولاتنظر لعيوبها ..
ونحن لسنا ملزمين بتبرير تصرفاتنا لهم ..

تقبل اضافتي ومروري

نعم اختي ريم
نحن غر ملزمين بتبرير تصرفاتنا
ولكن هذه القصيده أوردتها على مسامع هؤلاء الشرذمه
علماً بإن بعض الأبيات التي تحمل الأسماء لم أقم بنشرها
شكراً لك المرور وآسف على تأخير الرد
تحيتي

ونعم السلم والمبادئ , من شاعر يشهد له الجميع بما قال .

صحت معانيك أيوفيصل .. ودام اسمك .

تقبل تحيتي ووافر تقديري .

المشاركة الأصلية كتبت بواسطة نوّاف فارع

ونعم السلم والمبادئ , من شاعر يشهد له الجميع بما قال .

صحت معانيك أيوفيصل .. ودام اسمك .

تقبل تحيتي ووافر تقديري .

اخوى القدير
نواف فارع
صح بدنك اخو ي الغالي ولاهنت يالبناخي
وإشادتك وسام على صدري دام وجودك وتواجدك
تحيتي

ابو فيصل

الحروف تعجز عن ان تصل الى مستوى هذه العظيمه

ولكن لا استطيع الا ان اقول صح لسانك وبنانك

تحيتي