![]() |
الجو غير صافي........نايف بن مياس الهوى غير طريقه واستدار=الهبوب اليوم ماهي صافيه بدلت نود النسايم بالغبار=وابتلشنا بالرياح السافيه واختلف جو المدينه والديار=مرةٍ تبرد ومره دافيه واعلنو توقيف رحلات المطار=لا تغادر واسمحوا بالـلافيه كثروا الركاب والحجز انتظار=والكباتن بالمضاجع غافيه والاداره لاخطاب ولا قرار=لاتئدها ولاهي نافيه وان حجزنا بالتكاسي والقطار=وقتنا مافيه مده كافيه من يشوف الدرب قدامه شرار=كيف ياطا بالرجول الحافيه وان وطيناها على شان الشعار=تستحق الرايه الرفافيه ياعساها كل يومٍ في عمار=ابعدوها عن يدين المافيه وان تكلمنا نبي رد اعتبار=ولعت نيران كانت طافيه كل واحد في طريقك شب نار=والنتيجه ضامنين العافيه التجاوز في نظامه من يسار=والعرب زحمه على الاكتافيه يدرس السواق قبل الاختبار=لوحة التوجيه والمعطافيه والدروس اللي تعلمنا كثار=ماتجي ربع العلوم الخافيه ماتعلمنا بتعليم الكبار=الدروس اللي كسبنا شافيه ماندور للسوالف مستشار=ولا عرضنا العرف للعرافيه مافرضنا فوق هالعالم حصار=كل فرصه بيننا متكافيه ولامعي تصريح حق الاحتكار=ناس قدامي وناس خلافيه ما انظر العالم بعين الاحتقار=وامتلك دون الضعيف اعفافيه وان سبحنا وسط غبات البحار=ماندور بالبحر مجدافيه وان مشيت امشي على وضح النهار=وان وقفت آقف على مشرافيه للقرابه عندنا عز وقار=نحتميها بالبشوت الضافيه وكان راع الهرج هون واستخار=في فعول الطيب نجزى الجافيه قلت ماحرك هجوسي باختصار=وان سردنا ماتشيب القافيه باسمي المعروف ماهو مستعار=تحت تقديمي وتحت اشرافيه نايف بن مياس الفريدي |
رد: الجو غير صافي........نايف بن مياس جزله ومفردااات جميله ونص رائع وعسى الله يسهل الامور وتزين الاحوال الجويه والعربيه والاسلاميه مشكور اخي نايف على هذا العطاء الفكري والنوادر التي تفرض نفسها على المتلقي والمتذوق للشعر تقبل مروري وشعوري ,,,,,,, |
رد: الجو غير صافي........نايف بن مياس قصيدة جزله ... صح لسانك يانايف على الابداع لاعدمتك |
رد: الجو غير صافي........نايف بن مياس صح لسانك يا نايف على القصيده الجزله والرائعه لاهنت |
رد: الجو غير صافي........نايف بن مياس اقتباس: المشاركة الأصلية كتبت بواسطة هابس العلوي http://www.alfredah.net/forum/alfred...s/viewpost.gif جزله ومفردااات جميله ونص رائع وعسى الله يسهل الامور وتزين الاحوال الجويه والعربيه والاسلاميه مشكور اخي نايف على هذا العطاء الفكري والنوادر التي تفرض نفسها على المتلقي والمتذوق للشعر تقبل مروري وشعوري ,,,,,,, صح بدنك وشهادة من شاعر بمقامك تكفي لك الشكر |
رد: الجو غير صافي........نايف بن مياس اقتباس: المشاركة الأصلية كتبت بواسطة خلف الفريد http://www.alfredah.net/forum/alfred...s/viewpost.gif قصيدة جزله ... صح لسانك يانايف على الابداع لاعدمتك فيك الجزاله...صح بدنك عساك تبقى وتدوم |
رد: الجو غير صافي........نايف بن مياس اقتباس: المشاركة الأصلية كتبت بواسطة ابوحمد http://www.alfredah.net/forum/alfred...s/viewpost.gif صح لسانك يا نايف على القصيده الجزله والرائعه لاهنت صح بدنك لك الشكر على المرور |
رد: الجو غير صافي........نايف بن مياس قصيدة رائعة بكل معنى الكلمة بحروفها ونسج كلماتها تسلم اخي نايف بن مياس وصح لسانك |
رد: الجو غير صافي........نايف بن مياس يالله دخيلك من الغضب والله الجو شين من ذنوبنا الله يغفرلنا صح لسانك يانايف ابيات تشهد لك تحياتنا الأخويه |
رد: الجو غير صافي........نايف بن مياس اقتباس: المشاركة الأصلية كتبت بواسطة ميس الريم http://www.alfredah.net/forum/alfred...s/viewpost.gif قصيدة رائعة بكل معنى الكلمة بحروفها ونسج كلماتها تسلم اخي نايف بن مياس وصح لسانك صح بدنك ومرورك زادها روعه لك الشكر |
الساعة الآن 12:08 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir