مجالس الفرده - قصيده الى غازي الزغيبي......نايف بن مياس

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

- - قصيده الى غازي الزغيبي......نايف بن مياس (http://www.alfredah.net/forum/threads/alfredah30036/)

قصيده الى غازي الزغيبي......نايف بن مياس

هذي قصيده موجهها الى العلم الشاعر/ غازي مغيران الزغيبي

ياهجوسي ساعديني لا تهيض بالي=وجهي جملة بيوتٍ بالصخر منحوته
للصحيب اللي بقلبي له مقامٍ عالي=يمه الابيات من بد البشر منعوته
مانسوق لراعي الجزلات غير اجزالي=كنها في نون عين عقاب تشبه نوته
يالزغيبي لو رفعت الصوت في موالي=ماتسلي ضيقة الزعلان جرة صوته
دامها يا ابو طلال بشمخ الاطلالي=من يلوم الشامته بالعالم المشموته
الخطاء عم العرب ماهو علي لحالي=كيف راع القدس يجر لليهود بيوته
قول اقوله مار فيه اقوال ماتنقالي=واللبيب اللي يعرف العلم صعب اتفوته
إن تركت الحبل بالغارب بفجٍ خالي=تيتعود الذاهبه وخروجها مكتوته
ودنا قبل القصاير لا تصير اطوالي=وقفة منها المحيط يموت وسطه حوته
والمطر لو كل وادي من هميله سالي=مايفيد القاع في غير الوسم ووقوته
الحمول الكايده تبغى جمل يشتالي=ماتبي صوتٍ رفيع ونبرة مخفوته
وانت من روس القبيله باللقاء خيالي=فيك من عزم الجمال ومن طويق اثبوته
نايف بن شليويح بن مياس الفريدي