ماينهدم بيت له اطناب ورواق= الي مشاكيل الملا يدهلونه
والعود الازرق في نواحيه ينساق=وبن اليمن في مقدمه يحرقونه
وعبد الله بن سمير عاشق ومشتاق=ومن به صفات المرجله يعشقونه
عاشق ومعشوقك ورا كل براق=وانته يابو فايز تخايل مزونه
كان الغضي ناسي عهود وميثاق=طرد المقفي يابن عمي مهونه
الا ان وضعه مع قراباته دقاق= على القطاعه والجفا يكرهونه
ومن خلقت الدنيا بها جمع وافراق=وما تفرق الحساد ما يجمعونه
عينت ابن عدوان من سمها ذاق=كل العرب من قصته يذكرونه
وما تطلبه مني على الصدر معلاق=يفداك جاهي كان فيهم مرونه
والا ترى لك عزوة ترهق ارهاق= حتى نجيب الي يمشط قرونه
ورشيد بلغناه عن مدمج الساق=وكملت بك عنده ولكن سكونه
اكبر دليل انه تحت ضغط مايطاق= وان طعتني لاهنت لاتحرجونه
خلف الفريد