زعلا(ن) على حظي وطالب نصيبي=وإلا البشر مالي عليهم طلابه
الحي عليه الله حسيب ورقيبي =والميت اللي راح يلقا أحسابه
ورزقي على محيي هشيم الخشيبي=سامع دبيب النمل بأرض (ن) وطابه
أشكي عليه ولا أشتكي للقريبي=بعض القرايب خايب (ن) من هقابه
إذاصار ماينفع والا فيه طيبي=عندي سوى قدره وزن الذبابه
النجس الردي ماقول هذا صحيبي=ولا همني مثله وحضرت جنابه
الطيب مايؤخذ بسيف عطيبي=وهايب من قبل عصر الصحابه
وهايب اللي إذا دعي يستجيبي=بأمره تسيل الأوديه من سحابه
مافيه لا شك ولا فيه ريبي =بين لنا كل الشرائع كتابه
ولا أستغرب الشائب بكبر المشيبي=بس الغرابه من يشيب بشبابه
لاشك يدريبه فهيم ولبيبي =اللي يعيش مع الزمن عن كثابه
إذا صار يجهل به خطات الرغيبي=ماعاش لحظه في حياته كآبه
وأنا رفقي عزوتي يعتزيبي =اللي تبين فرجته في غيابه
هذاك هو راع الجناب المهيبي=أسد غاب وكل سبع يهابه

****الشاعر : ناصر سعد العويني

صح لسان الشاعر ناصر العويني
مشكور اخوي على هذا النقل والاهتمام
تقبل وافر التقدير