برق مزن المشاعر توه اليوم ناض = والرعد بالسحابة له رزيز ودوّي
ارتوت من مطرها ممحلات الفياض = وكل عشبٍ تشوفه بالوسم مرتوّي
يارفيقي ترى قلبي تعذّب وهاض = هيّض القلب ياابراهيم بنت (........)
مارأت عين صالح مثل ذاك البياض = من سببها خفوقي باديٍ به كوّي
اصلها بالقصيم وساكنة بالرياض = ماعرفت لهجة رويلي وسلم بلوّي
مبدعة بالمشاكل تفترضها افتراض = وتشوي القلب في نار المفارق شوّي
دمع عيني تحدّر من سببها وفاض = وفاض صبري وقلبي يالخوي مهتوّي
والقدر ياصحيبي ماعليه اعتراض = وانت خابرني(افتّي والتزامي قوّي)
والمحبة تراها بيعةٍ عن تراض = ومن صدق بالهوى عاش العمر منطوّي
كم محبين وردوا للمنايا الحياض = وبعضهم صار بعد الحب ماهو سوّي
من سكن بالمدينة يشكي الاكتضاض = ومن سكن بالضواحي قيل عنه قروّي
اشتكي من محبة نور شرق الرياض = واشتكي قبلي المكتوم وابن جلوّي
قال ماكل واحد بالمحبة يعاض = وصعب تلقى الصدوق اللي مهو ملتوَي
وش علاج الذي في بحر الأشواق خاض = ووصفة الحب عندك كاملة يالخوّي

المشاركة الأصلية كتبت بواسطة منصور الوسوس http://alfredah.net/vb/alfredah_ho/buttons/viewpost.gif