|
جـــروح الايــــام >>مصــافحــه ثالثـــه اخواني اليكم هذه القصيدهـ واتمنى ان تنال اعجابكم ياوقت و ضلوع الحشا دمها سال لكني اكابر... وأقــوول:اني بخير مابيه...يفــرح كل حاســد وعــذال اللي على جرحي يسوق التباشير ((جروح وقت))و((مــرّ غربه)) وترحـال وأمــر وادهى اللي حصل دون تبرير وين انت؟؟يازولن ولا كــل الازوال اللي على شانه تهـــون المشاوير ((ربيع وصله)) يحيي عــروق وامــال و((شمعــة غرامه)) تضوي الدرب وتنير كانــت هنــا تختـــال..وهناك تختـــال و((نهــر المواصل)) يجري الصبح وعصير كنــا..وكنــا للغـــلا مضــرب أمثـــال وكانت!! وكانت لكن؟؟ القسمه تصير!! فجأه كـذا؟؟ ((بــرج الغـــلا)) قام ينهال وانزاح((حلم العلم)) من دون تفسير ((سحاب عيني))بعض الأحيان همال ليامن ذكرت ايامنا اللي مضت غير و((ميثاق حبن)) كان له قدر وإجلال قطـّـعته((سيوف الفراق)) البواتير واليوم حتى بيننا ((قطع الارسال)) وان جيتهم من باب حشمه وتقدير ((سموم هجره))مابقى دونها اظلال ((وسهوم هرجه)) مثل طعن المسامير حسبي على من بدل الحاال باحوال احرق ثياب الوصل ((نفّاخت الكير)) ومادام غض الطرف مع هرجهم مال قولوا له انه صار في عيني اصغير يبشر بفرقاً عمرها اجيال واجياال ماني بمن يرجي قلوب المدابير ارحل فمان الله ياسمـــح الاقبــال عساك تلقي خير والقي بعد خير سيـــف الراشـــد |
رد: جـــروح الايــــام >>مصــافحــه ثالثـــه . حبكة معلم , وتسلسل شاعر مبدع صح لسانك وسلم إحساسك أتمنى أن تكون معنا , وتطربنا في جديدك وأتمنى لك دوام التوفيق والمحبه تحيتي وتقديري . |
رد: جـــروح الايــــام >>مصــافحــه ثالثـــه صح لسانك وسلم بنانك... قصيده جميله ... سلمت على الاضافه. |
رد: جـــروح الايــــام >>مصــافحــه ثالثـــه اخوى سيف الراشد أنت شاعر تجديد التعامل مع المفرده وتكتيك القصيده هنا قرأت شعراً وإستمتعت به لله درك على هالقصيده الشامخه كشموخكـ ولا أخفيك سراً بإني رددتها من إعجابي بها تحياتي |
رد: جـــروح الايــــام >>مصــافحــه ثالثـــه اقتباس:
مقبل بن نمران صح بدنك ولاهنت على كلامك الجميل ومرورك الذي عط صفحتي وابشر بالجديد ان شاء الله تشرفت بمرورك |
رد: جـــروح الايــــام >>مصــافحــه ثالثـــه اقتباس:
عايض المقطع صح بدنك يالغالي والاجمل مرورك ولاهنت |
رد: جـــروح الايــــام >>مصــافحــه ثالثـــه اقتباس:
صح بدنك ولاهنت على كلماتك التي تنساب على قلبي كذرات المطر تشرفت بمرورك الذي عطر متصفحي وشهادة اعتز فيها واتمنى ان اطرح مايرتقي لذائقة الشعر والشعراء. |
رد: جـــروح الايــــام >>مصــافحــه ثالثـــه سيف الراشد مصافحة رائعة جدا صح لسانك ودامت ايامك تقبل وافر التقدير |
رد: جـــروح الايــــام >>مصــافحــه ثالثـــه اخي العزيز / سيف الراشد صح اللسانك ولاهنت وسلمت ودمت واااافيه من راس واااافي لاعدمتك |
| الساعة الآن 02:55 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir