![]() |
شريف الفريدي وقصيدة (مدح قبيلة عتيبة) هذه قصيدة للشاعر / شريف بن محمد الفريدي موجه للشاعر عوض بن خاتم الروقي خاصة ولقبيلة عتيبة عامة مع التحية والإحترام لهذه القبيلة
ياحمود بالله كان عندك زياره = يم الديار اللي جنوب(ن) عن الحيد لاصحابك اللي معرفتهم تجاره = معهم قضينا ليلة (ن) كنها العيد خذلك عليهم جولة(ن) وأفتراره = وسلم على الوافين جمله وتفريد عم الجميع وخص راعي العماره = وصل لبوبدر الخبر مثل ماريد حاول على موعد يتم اختياره = وترا البطا يحبط بعيد المواعيد وإن تم بشرني وخذلك بشاره = من شأن يبقى للعلاقات تجديد الطيب باهل الطيب ماهوخساره = دين(ن) يجيله عبر الإيام تسديد ياللي منازلكم بعال الصداره = حاضر وماضيكم عن الواقع يشيد العــز يالهــيلا رفعتم شعــاره = وعندي على قولي دلايل وتأكيد انتم مثل سورن صعيب انهياره = بالصين صاغوه الطغاه الصناديد وانتم مثل مبنى قديم الحضاره = بارض الكنانه غيره البنى تقليد وانتم مثل سيف(ن) لياجا نهاره = مال الجروح اللي تحطون تضميد وانتم مثل موج(ن) يزته اعصاره = ليا هاج صار المد للجزر تهديد وانتم هل الفزعات رمز الاشاره = تردون يالهيلا صعيب المواريد وانتم لكم رمز(ن) فريد العباره = ذباحة الحايل ومن خالف السيد رجـــالكــــم وحــده يمثل وزاره = يحط له فوق الصعيبات تمهيد ويسمح من اسمه غاب عني إحضاره = الشك زايل والثقه دون تحديد ولويخطي الشاعر يصيب اعتذاره = وعسى الدفاع يصير فزعة جلاعيد ماكل من هدف يحقق عياره = احد(ن) يعود من الجوازي بلاصيد واخير من كثر الكلام اختصاره = ماينفع الزايد ليا صار مايفيد وصلوا على اللي فوق قبره مناره = مع سيرته حكمه ورحمه وتوحيد وســــــلامـــــــــتــــ ــــــــــكـــــــــم |
رد: شريف الفريدي وقصيدة (مدح قبيلة عتيبة) صح لسان الشاعر الشكر لـــــــــبوتركي الرائع على ابداعه وانتقائه الاكثر من رائع |
رد: شريف الفريدي وقصيدة (مدح قبيلة عتيبة) صح بدنك نيابة عنه ولاهنت على مرورك يالغالي والإبداع منكم ولكم |
رد: شريف الفريدي وقصيدة (مدح قبيلة عتيبة) صح لسان شريف قصائد ة دئمآ جميلة قويةفي معانيها وشكرآ أخوي أبن منيديل على النقل يعطيك العافية |
رد: شريف الفريدي وقصيدة (مدح قبيلة عتيبة) العفو يأخي الكريم وهذه ليست بنقل من اي موقع بل حصريه في مجالسنا الف شكر على المرور العذب والجميل يارائع |
رد: شريف الفريدي وقصيدة (مدح قبيلة عتيبة) صح السانه وصح اختيارك ابو تركي ولاهنت تقبل مروووووووووووووري |
رد: شريف الفريدي وقصيدة (مدح قبيلة عتيبة) هلا وغلا اخوي بقايا انسان مرورك شرفني وطلتك جميلة وعذبه |
رد: شريف الفريدي وقصيدة (مدح قبيلة عتيبة) قصيدة رائعة كماهي عادت الشاعر الكبير شريف اكتملت لتدل على حسن اختيارك يبن منيديل وجودة ذائقتك الشعرية اقبل مني اجمل تحية . |
رد: شريف الفريدي وقصيدة (مدح قبيلة عتيبة) اقتباس:
نازف الحرف |
رد: شريف الفريدي وقصيدة (مدح قبيلة عتيبة) الطيب باهل الطيب ماهوخساره دين(ن) يجيله عبر الإيام تسديد قصيدة اكثر من رائعة ونقل موفق |
الساعة الآن 08:29 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir