قوم يالهاجوس بالوقت القصير=دعوة من دريرتي لبيتها
من تعدى ماقفه ما فيه خير=والعذر معدوم لوخليتها
القريحه في لزومي ما تحير=لا بغيت العاليه عديتها
مرحبا بضيوفنا باسم الأمير=شلاح راس القوم لاعديتها
بقلوبنا غالي وله قدر كبير=تطرب له القيفان لاغنيتها
وباسم ربعي من كبير ومن صغير=اقولها من هاجسي وابديتها
الله يعيد العيد والأمه بخير=ويعزها ويعز خادم بيتها
صقر العروبه يا مجير المستجير=المسلمين اطعمتها واسقيتها
وتعالج المرضان وتفك الأسير=ويمناك مثل الغيث لا مديتها
على المعادي كنك السيف الشطير=والشعب في ضافي ذراك اضفيتها
ولافرق بين المجعه وإلا سدير=مافيه ديره بالغلا خصيتها
وتبغى السلام ايعم والدنيا تسير=جمعتك للعالم تعلى صيتها
وعفيت عن خاينك لو انه خطير=نيتك مع كل البشر صفيتها
يلهمك ربي يوم منكر مع نكير=تنشد عن افعول قبل سويتها
في ساعة ما ينفعك يالعبد غير=إلا صلاة للولي صليتها
ما تنفعك دنياك لو مالك كثير=ياللي تبيع بضاعة غشيتها
شفنا غلا الأسعار هذا ما يصير=يا تاجر الأغراض ليه اغليتها
كلش غلي حتى النخاله والشعير=لين البهايم للوزاء حديتها
هذا هو الواقع وما شاف النظير=وإلا العرب يدرون لو خفيتها
ويالجنة التنظيم بالوقت الأخير=افعالكم عديتها ما احصيتها
سرتو بعزم وجهد بالدرب المنير=ومشكور ياشلاح لا وصيتها
ومني سلام إسلام يالجمع الغفير=وكلت بمهمه عساي اديتها
نايف بن مياس الفريدي

صح لسانك يابن مياس وإعتلا شانك

سلمت ودمت , وبيض الله وجهك

تحيتي وتقديري

اخوى


نايف بن مياس



لا كملت المهمه ووجهك ابيض ولاهنت على القصيده



تحياتي

لاهنت يابن مياس
وصح لسانك وعلا
شانك قلت وافلحت
بارك الله فيك

الشاعر / نايف بن مياس


صح اللسانك ولاهنت وسلمت ودمت


لاعدمتك