|
الفريدي قمة المجد العصامي . حفل معايدة أهالي ضيدة 1431 هـ . ياسلام الله عدد وبل الغمامه = للرجال أهل الوفاء وأهل الزعامه ويالله إنا نسألك تقبل عملنا = في نهار العيد والصوم وختامه وترحم الحال الضعيفه لاوقفنا = ساعة كلٍ يبي فوز وسلامه أنت وحدك لا إله إلا جلالك = كل شبر وكل كوكب لك علامه باسمك تسبح مجرات وكواكب = من بداية خلقها ليوم القيامه وباسمك يسبح من الخشيه عبادك = لا شريك ولا شوير ولا ملامه وباسمك يسبح جنودٍ ما نراها = بكل خوف وكل ذلٍ وإستقامه وباسمك يسبح محيطات وخلائق = تحت موج البحر سيفه وارتطامه وباسمك الأكرم تعاليت وتعالى = يستقيم الكون ويطبق نظامه يالله انك وأنت غيرك مادعينا = تحفظ الأنفس من الجهل وظلامه والوطن تحميه من غي ورذيله = ومن فجور ومن تحزب وإنقسامه وتحفظ ولاته من شرور المصائب = بالمليك اللي رضى وجهك مرامه والديار اللي مواقفها وكيده = ذي ديار الجود من عصر الجهامه ديار ربعي من هنا لحدود طيبه = الشرف والبن الأشقر والشهامه كاملين بطيبهم والكامل الله = ذي منازلهم على المجد وسنامه نالوا التقدير وعلوم المروه = وسم غيث وسم فخر ورفع هامه عاد دام الطاري الوسم ومجاله = فاحجٍ يبني على العلياء مقامه يرهب اللي مادخله الخوف لـ له = ويندم اللي ماعرف طعم الندامه ومن لفاهم يشكي عناد الليالي = في ذراهم مايعرف الإنهزامه الفريدي قمة المجد العصامي = مختلط طيب وزعاطير وعتامه بينٍ مايختفي في كل ديره = مثل نارِ تشتعل فوق العدامه لا وصله العلم وقف عند حده = صاملٍ يفرض على الناس إحترامه تحت رايه مابنا غدر وضغينه = رأية للدين وقفه وإلتحامه يشهد التاريخ من ساس العروبة = من جنوبه لين شرقه لين شامه طاب مجد عيال راشد بالمدائح = لابة تزرع مفاهيم وقرامه جعل ربي مايفرق جمع ربعي = بكل خير وكل فرحه وإبتسامه في مساء عيد المواصل والمحبه = عاد عيدك ياوطنا بالكرامه كل ماذعذع من الغربي هبوبك = طاب فأل الشعر من خلفه وأمامه ثم بدأ ليل اللحون السامرية = والطرب والعود الأزرق والفخامه . |
رد: الفريدي قمة المجد العصامي مرحبا مليون بالاستاذ الشاعر / مقبل بن نمران صح لسااانك مليون مره لو الله فكنا من قصيدتك احسن خربت علينا خليت العالم ما يتابعون قصايدنا هههههههههههههه |
رد: الفريدي قمة المجد العصامي صح بدنك يانايف كلنا مكملين لبعضنا , وماقصرت أنت والربع المشاركين أتحفتم المكان والزمان سلمت ودمت يابن مياس تحيتي وتقديري . |
رد: الفريدي قمة المجد العصامي اقتباس:
صح لسانك يابو ياسر وبيض الله وجهك قصيده حزله من شاعر مايقول إلا الجزل تحياتي لك |
رد: الفريدي قمة المجد العصامي صح لسانك يبو ياسر تضل عنونا للوفاء ومدرسة للشعر قصيدة غاية في الجمال تسلسل راقي لايجيده الا الشعراء الكبار احتفال اهالي ضيده مفخرة للجميع بيض الله وجيه من سعى له وقام عليه شكرا لك اباياسر ودمت مبدعا وكل عام وانت بخير |
رد: الفريدي قمة المجد العصامي الفريدي قمـة المجـد العصامـي *مختلط طيب وزعاطير وعتامـه بينٍ مايختفـي فـي كـل ديـره *مثل نارِ تشتعـل فـوق العدامـه لا وصله العلم وقف عنـد حـده *صاملٍ يفرض على الناس إحترامه صح لسانك يابو ياسر لايستغرب الجزل من أهل الجزاله صح لسانك وبيض الله وجهك |
رد: الفريدي قمة المجد العصامي ابوياسر انت غني عن الأطراء وصح لسانك وعلا شأنك وسجل مروري وأعجابي وتقديري والف شكر على الأضافه ونتشرف بوجودها هناء |
رد: الفريدي قمة المجد العصامي عبد العزيز العبلان صح بدنك وماعليك زود كل التحايا والتقدير . |
رد: الفريدي قمة المجد العصامي السلام عليكم ورحمة الله وبركاته صح لسانك يابا ياسر قلت الجزيل باهل الجميل بارك الله فيك |
رد: الفريدي قمة المجد العصامي راع الجزلات بيض الله وجهك على هذه الأبيات بل الدرر صح اللسانك تقف الأحرف عاجزة يا ابن نمران |
| الساعة الآن 07:14 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir