يالله ياغافر لعبدك اليازل= يامجيب دعوة من دعاك ونداية
ياواحدٍ تعلم بخلقك وتمهل= مادونك احدٍ يشتغل بالسعاية
أنت الذي خلقك لفضلك توسل= وأنت الذي بالاوله والنهاية
انت العليم بدق عبدك مع الجل= وأنت الذي مادون علمك اخفاية
أنت الخلف بالأبو والأبن والخل= أنت الوحيد اللي تحقق امناية
أنت العزيز وحدرك الخلق في ذل= ماغير حكمك بالخلايق أوصاية
يارب من فضلك عليّه تفضل= ياغافر الزلات تقبل دُعاية
أنا الذي زليت وخطيت وجهل= وأنت الذي بامرك تكون الهداية
مني نصيحة لاهل العرف ترسل= ارجي بها من عند ربي جزاية
يالعبد لو تبني عمارات وفلل= دنياك ماتتبع هواك وهواية
ويالادمي لابد من يوم تسأل= في بيتك التالي جديد البناية
وعرف ترى بالبيت تحقيق وهول= راجع رصيدك ودرسه في عناية
اطلع عن الدنيا دقايق تأمل= حاسب بهن نفسٍ لها الشين غاية
نفسٍ لها الشيطان للمعصية دل= دلالها يسعالها بالعصاية
إبليس لغواي الخلايق موهل= يسفط لهم عن نية الخير ساية
اليا صرت بالمظلم وحيدٍ تملل= يجونك اللي ماعليهم اكماية
وجابو صحايفك القديمات وسجل= في ساعةٍ مالك صديقٍ حماية
اقرب قريبلك على جثتك هل= من التراب وحط لبنه أوقاية
وخلاك مابي يديك عقدٍ ولا حل= مثل الأسير اللي بحكم الولاية
وبقالك اللي بالصحايف مسجل= كلٍ حصد زرعه اليا جا استواية
ويالي سمعت القيل على النبي صل= الله لا يقطع رجاك ورجاية

صح لسان الشاعر القدير / محمد عبدالله العواد

وسلمت ودمت على الإختيار الراقي ابو يارا

نفحات إيمانية من الشعر الأصيل

كل الشكر

القدير


ابا يارا


ذائقتكــ الشعريه لاجدال بها وإختياركـــ بعنايه




سلمت على مانقلت وصح لسان الشاعر على القصيده



النصيحه الجزله



تحياتي

صح اللسان الشاعر على هذا النص الجزل


ولاهنت اخي العزيز / ابو يارا


على جهدك المبذول واهتمامك وتميز ذوقك


لاااااعدمتك