هات القلم واكتب لي الخط باتقان=قريحتن هاضت بشهر الصيامي
كان القلم على ابيض الطرس شفقان=حتى الورق على ازرق الحبر ضامي
حبر القلم خل الورق منه غرقان=لاترفعه حتى اني اعلن ختامي
يومٍ جزل القاف في موعده حان=وللمفردات اعطيت كل اهتمامي
جزيل قافي وجهـه لابن جمعان=يحمل بطياته كثير السلامي
نصّه لغازي عالي القدر والشان=دامت له ايامه على ما يرامي
شيخٍ تعلا بالكرم كل مابان=محطم الارقام شرقن وشامي
اللي مضيفه للمطانيخ مسكان=من روس قومٍ معتلين السنامي
تراهم الحماد من كاينٍ كان=شيوخ ربعٍ يحتمون الجهامي
الطيب لو يوزن على كف ميزان=طيبه رجح من دون زايد كلامي
وعندي على قولي دلايل وبرهان=لا دار هرجٍ بالدواوين حامي
ونعم الرفيق اللي له الطيب عنوان=يا الله عساه بخير في كل عامي
هذا وله مني تحيه وعرفان=واهدي له ابياتي وكل احترامي