يارشيد انته غيابك فيه وحشه يا رشيد

صح اللسان الشاعر


ويستااااااهل ابو عبد الاله

المشاركة الأصلية كتبت بواسطة منصور الوسوس

الثناء صفه من صفات الوفاء تلك الصفه التي لايتحلى
بها إلا أصحاب القلوب الصافيه والأنفس النديه
وفي عالمنا المادي توجد مثل تلك الصفات ولكنها قد تكون نادرة ...
رجل يستحق الإشادة وهو أهلٌ لها بإذن الله
انه أبا عبدالاله الشاعر والاعلامي : رشيد الفريدي
الذي أهدانا الشاعر : محمد بن عبدالكريم الغرابي
تلك المقطوعة الادبية وفاءً لأبا عبدالاله وهو يستحق ذلك ..
ونشكر الشاعر محمد الغرابي جزيل الشكر ونضع بين أيديكم تلك
القصيدة حيث يقول :

يا رشيد انته غيابك فيه وحشه يا رشيد=مار لو غبت بحضورك حاظرٍ في قلب أخوك
أنت عندي لك مكانه ما يوفيها قصيد=يا عسى عمرك يطول ويرحم اللي خلفوك
يا رفيقي فيك ميزه فرق عن جيلك بعيد=الرجوله والرزانه وابتعاد .. الشكوك
وفوق ذلك الكرم والطيب كلن بك يشيد=وادري انك يالفريدي عز لضيوفٍ نصوك
تملك الاخلاق والحكمه مع الراي السديد=والشعر في عالمه لك فيه رحلات بمكوك
والثقافه مع مجال العلم والدين الرشيد=وبر امك ثم امك ثم امك ثم ابوك
المراجل ما تطال الا بعد جهدن جيهد=دون قاصر في رجالٍ بالمكارم نافسوك
ما مدحتك لي مقاصد أو ريا وإلا أريد=انت رجلٍ ذي صفاتك والكرم ورثن لبوك
المدح لاهل الوفاء شرواك ما ينقص يزيد=يوم طيبك من نباك يبان لكرامٍ لفوك
وكل رجلٍ ذي صفاته ربه اللي له عضيد=لاتناظر حاسدينك معطي الله ما عطوك
من تجاهلك بوجودك يا عدو وإلا بليد=انت عنهم في غنا وخيره اللي ما عرفوك
كل ناجح له معادي لو قدر قص الوريد=يارشيد من الغرابي باقةٍ من ورد دوك
يا رفيع الشان عرفك كنز بحسابي رصيد=وش رصيدك يالوليد ولو ملا كل البنوك

مرحبا الف يا ابو يارا كل عام وانت بخير والجميع بخير
كان ودي اقول صح لساااان الشاعر لاكن القصيده تعاني يا ابو يارا خلل واضح بالوزن والمضمون والاستاذ رشيد يستاهل

صح لسان الشاعر/ محمد عدالكريم الغرابي

ويستاهل ابوعبدالاله

بس وين رد\ القصيده

بالانتظار ابايارا

بـيـض الله وجـه الـشـاعـر الغـــــرابـي والشاعر رشـــيـــد يستأهل كل خـيـر
وبيض الله وجهكـ على الأضافه الرائعه
ايـها المـبـدع آبـويآر

يستاهل ابوعبدالاله وصح لسان الشاعر شكرا ابويارا على النقل