لاوهني الطير مومي جناحه=يتبع هواه و لا تواضع للافراد
يتبع براد الجو ويشرب قراحه=ماردده عن طلعة الباب حماد
يركز جناحه للهواء ثم ماحه=ولاشاف شينٍ يكرهـه بالهواء زاد
وله وقفةٍ بالجو نوع أستراحه=وليا كفخ بالريش مرهن بالابعاد
بين السماء والأرض هاك المساحه=مارافقه بالجو مبغض وحساد
وبالليل في راس الطويله مراحه=واليا أنجرد شوفه تنوع منه غاد
اللة كتب له في جناحه سماحه=إن راد نجد حدور وان رادها سناد
سبحان من ذي حكمته واقتراحه=لا مشاركٍ بامره ولا منه منكاد
يقوله اللي طاح عسرٍ مطاحه =ذاق المهونه عقب ذوقه للاسعاد
الله ولاهاك الدروب المباحه=مرتاح من راد المغازي ولا فاد