بأسم الاله اللي خلق انس مع جان =رب العباد اللي عطاني عزيمه
الواحد المعبود خلاق الاكوان=عدل ٍ قضاه بجنته وبجحيمه
يارب يامنان طالبك غفران =ارفع يديني خوف وارجي نعيمه
ماقيل عني يوم كاذب وخوان=ولاقيل يمشي بالغلط والنميمه
حافظ صلاتي في مواجيب واركان= واالجار له عندي قدر وحشيمه
والضيف له واجب جزيلٍ وميزان=وترحيبة ٍ من سلسبيل ٍ عظيمه
وحق الخوي لو كان مخطي وغلطان= ادمح خطاه وله معزه وشيمه
ومن عاند اجنوني فــ/انا له كحيلان=اطوًعه حتى يذوق الهزيمه
واذوًقه من لمستي سم ثعبان=حتى بحلو النوم يحلم بضيمه
انا الفريدي عزوتي روس شجعان=مثل الجبل لاثار يحرق حميمه
من لابةٍ فوق البسيطه لهم شأن=اولاد راشد والفعايل قديمه
انشهد انك جيت للسهم نيشان=وبان الهدف يامدعي بالشكيمه !
الشعر ماهو لك يامضيًر خويران=الشعر خله للعقول الفهيمه
على مزاجك تنقد ابيات ووازان=وبالشعر تفهم ناقصه والسليمه !
لاتنتقد شعري على غير برهان=يامنزل الابيات لعيون ديمه !
ان كان قصدك تصرف اعجاب قد كان!=هذي ترى فعله قديمه .. عقيمه
ياحيف والله كنت بــ/(...)لك شأن=ومابيننا كانت علاقه حميمه
اعميت عينك يالشويعر بسندان=وحطيت نفسك في مكان الجريمه
خلك على دندان يادان دندان=كفوك تراها وانتبه ! يالهليمه