امس العصر في عالي الرجم عديت=من غرب ضيده شفت مزمى طميه
وطقيت بيبان القوافي وناديت=وتواردن مثل الضوامي عليه
قالن تخير في معانيك ماشيت=اقطف زهور الورد والنرجسيه
لوكنت بكتب في دقايق مية بيت=وإلابعد يمكن تجاوزت ميه
لاكن من زين المثايل تنقيت=للي لهم في ضامري مقدرية
وللي طلع له بين كل العرب صيت=مواقفه تعرف وراعي حميه
للضد سم يفتت الكبد تفتيت=ومع الرفاقه مابعد شفت زية
ياغازي مغيران من دعوتك جيت=وكل الفخر ياطيب الفال ليه
من ديرتي ضيده لفيت وتعنيت=حب وفاء للعزوه السالميه
ابغى الفوايد عندكم لاتوحيت=وابوي ماخلى قصورن عليه
يقول خالط للرجال الزناتيت=واليوم ياغازي حفظت الوصيه
ابغى اتعدل في قصيدي ليا اخطيت=خطا بنظم البيت ماهي خطيه
حتى يجي في دنيتي ماتمنيت=وارد على هداج صبح وعشيه
والعذر ياغازي ليامن تقهويت=ان كان قلت طبخة الشاذليه

المشاركة الأصلية كتبت بواسطة عايض المقطع (المشاركة 167583) صح لسانك وعلا شانكــ يابن مياس ،،، قصيده جزله من شاعر جزل.

المشاركة الأصلية كتبت بواسطة أبو وسيم (المشاركة 167643) صح لسانك ياشاعرنا المبدع قصيدة رائعة كروعة قائلها سجل اعجابي

المشاركة الأصلية كتبت بواسطة منصور الوسوس (المشاركة 167705) صح لسانك يانايف قصيدة رائعة وبدون شك مخالطة عمالقة الشعر يثري الشاعر ويزيد من قوة شاعريته تمنياتي لك بالتوفيق

المشاركة الأصلية كتبت بواسطة سعدالمراس (المشاركة 167754) قصيده جزله من شاعر جزل يعطيك العافيه ونعم في شعراء حرب كلهم