متى على الله يطلع سهيل ويبين=ويعود للصقار وقت انفراجه
راع الولع بالصيف مثل المساجين=وان قرب المقناص هذا خراجه
لوكان مابه غير وحده وثنتين=البر تكفي شوفته وانسهاجه
لاصرت مع ناس حشام وعزيزين=تلقى سلى الخاطر وتلقى علاجه
على المتاعب والمقانيص ضارين=مافيهم اللي ما يطابق مزاجه
تشاوروا واختاروا الموقع الزين=ما احد يخالفهم ويكثر لجاجه
وإذا امرحو مع نجمة الصبح صاحين=ويمشون قبل النور يبداء انبلاجه
تلقى لهم دار الحباري ميادين=ولاهمهم درب الوعر وانعراجه
ثم انتهض حر بطلعه نياشين=كنك تشوف الخرب باوسط حجاجه
حر مواكيره بروس الضلاعين=ماهو بجير فرخوه الخواجه
واطلب على طلعه يفر الجناحين=يلعب كما القرطاس وسط العجاجه
وحول على الخرب المكوبر بعزمين=غير الشجاعه صاحبه وانحراجه
من ضربته تلقى ثناديه نصفين=والقلب لا ذاقه وشاحه وتاجه
هذا هوى بالي وذي قرة العين=إن كان شفي زين وإلا سماجه
وارجو السموحه يالرجال الميامين=إن كان فيها زلة وانعواجه

المشاركة الأصلية كتبت بواسطة منصور الوسوس (المشاركة 163930) الشاعر نايف صح لسانك قصيدة رائعة جدا تستحق الاشادة والتنسيق تقبل وافر التقدير

المشاركة الأصلية كتبت بواسطة ابن مزرم (المشاركة 163931) http://islamroses.com/zeenah_images/1137114121_3.gif

المشاركة الأصلية كتبت بواسطة علي الجضعان (المشاركة 163976) صح لسانك وعلأ شأنك وين ذكرتنا بالبر بهالقيظ والله أني أحب البر الى النخاع والبر بريره الف شكر على الأضافه ونبي لنا غزليه قبل رمضان لاتخلينا هذا طلب والغزل ملح الشعر ولذته وياهلابك

المشاركة الأصلية كتبت بواسطة مبارك فتنان الفريدي (المشاركة 164044) وسلامتكم نايف بن شليويح الفريدي .................... والله ياولد الخال انك فخر افتخرفه وافتخر بماتكتب وبيض الله وجهك ولله لايهينك ويرفع مقدارك والله اني مقصر والله يجمعني فيك انشالله وصح لسانك عدد ماترضى وراح اجيلك بالرسائل الخاصة يالذيب