![]() |
قصيدتي في حفل زواج ( محمد بن فرحان الجعفري العنزي) السلام عليكم ورحمة الله وبركاتة اسعد الله ايامكم ولياليكم أعتذر منكم جميعا على الانقطاع ويعلم الله انكم في البال ولكن ضروف الحياة واشغالها اخذتنا قليلا عن عالم النت حبيت اشاركم بهذا اليوم بأخر قصيدة نظمتها وهي قصيدة في حفل الشيخ: فرحان بن صياح الجعفري العنزي في زواج ابنه : محمد بن فرحان بتاريخ 7/8/1431هـ وتشرفت بإلقائها في الحفل إليكم القصيدة وعساها ان تنال اعجابكم اخوكم محمد الفريدي ياهاجسي طوع لي القاف تطويع=وخل القوافي وزنها حيل طايع وسر البيوت اللي تسر المساميع=ويطرب لها اللي يستمع للمذايع ونسمع لها التصفيق بين المجاميع=ويفخربها اللي ينشد بصوت ذايع لا صار منصاها لقوم الملاميع=اهل الكرم والجود واحلى الطبايع اللي لهم بالطيب سنه وتشريع=اجمل بيوت الشعر جتهم تبايع سلام عد مهبهبات الذعاذيع = واعداد سيل سال مع كل خايع سلام يارجال ٍ ترد المطاميع = يشهد لهم بالوقت كل الوقايع الوايلي حلال عسر التلاويع=و مزبن الرايع ليا جاه رايع وموسع صدر الخوي معه توسيع= ومقدي الضايع ليا جاه ضايع ماهو جديد الطيب فيكم منابيع=يشهد لكم ذكر نماء بالوسايع يوم ٍ ناس ٍتشري الطيب وتبيع=الوايلي للطيب ما هو ببايع بعض العرب يلقا به الطيب توديع=والطيب فيكم مايحب الودايع ماهي على ماقيل نخوه وتشجيع=الطيب فيكم طيب ورث وطبايع والهرج مايحتاج كره وترجيع=لاصار صيت ٍ بين الأجواد شايع ومبروك يامحمد سليل البواتيع = عسا الولي يكفيك شر الفضايع مبروك ياشوق السيوف المداميع=مبروك ياحر(ن) ربا بالرفايع واختامها صلو على خير شفّيع = شفيعنا وقت القلوب الفزايع |
رد: قصيدتي في حفل زواج ( محمد بن فرحان الجعفري العنزي) صح لسانك اخوي محمد والله لايهينك |
رد: قصيدتي في حفل زواج ( محمد بن فرحان الجعفري العنزي) صح لسانك والله انا فاقدينك ومن طول الغيبات جاب الغنايم تسلم على هذه القصيده والنعم بالمادح والممدوح |
رد: قصيدتي في حفل زواج ( محمد بن فرحان الجعفري العنزي) محمد صح لسااانك على هالجزله تحياتي |
رد: قصيدتي في حفل زواج ( محمد بن فرحان الجعفري العنزي) صح لسانك اخوي محمد على القصيدة |
رد: قصيدتي في حفل زواج ( محمد بن فرحان الجعفري العنزي) صح السانك على القصيدة الجزلة شاعر ما شا الله عليك يظهر النص في الشعر الأبداع روووعة القصيدة التي يستاهل المادح والممدوح |
رد: قصيدتي في حفل زواج ( محمد بن فرحان الجعفري العنزي) اخوي الشاعر محمد حضورك يشرفنا وجديدك ننتظره بكل شوق المجالس تفتخر بمثلك وشرواك من شعراء الفردة المبدعين صح لسانك على هذه القصيدة الرائعة تقبل وافر التقدير لشخصك الكريم |
الساعة الآن 09:52 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir