|
قصيده من قصائدي ........نايف بن مياس السلام عليكم ورحمة الله وبركاته هذي قصيده قلتها في مثل هذا الوقت من العام الماضي موجهـه للأخ الصديق جابر بن حويل المري وهو يستاهل كل خير شروى من يقرى للمعلويه القصيده ناشرها من قبل بمنتدى مكشات بأسم صقار الأسياح اللي هو انا لكي لايحصل التباس عند احد ياجابر الأيام ماهي على الكيف =قامت تصافقنا جنوب وشمالي والصيد من عامين غايب ولاشيف=ماب البراري غير حمر الثعالي نسرح مع الغبشه ونرجع مناكيف=نقطع بها درب الوعر والسهالي ياما طلعنا عالي التلع والنيف=وياما تلاقينا بروس الجبالي وياما بحثنا للحبارى مع الريف=نقصها حتى يحل الزوالي ويطلع معك بالوقت عشرة ملاقيف=كلن يقول إن الحبارى حلالي واللي يخفف من عنا القلب تخفيف =خوت هل الوقفات طيب الرجالي هذا على العزبه وهذا على الكيف=يزلها في طيبات الدلالي ونسهر على قول القصيد وسواليف=ونأمل على بكره بصيدن خيالي ونقوم مثل اليوم الاول ملاهيف=ونعيدها كل الليال التوالي عن حالة الصقار قدمت تعريف=وللي يخاصمني فتحت المجالي هذا وانا مالي عن الطير تحريف =هوايتن بليت به من خوالي ياحيف كيف اسلى عن الطير ياحيف =اللي مخاشرني بعيشة عيالي قد قالها بدر الحويفي مراديف =الطير بقلوب الصقاقير غالي واسندت للي يكرم الجار والضيف=بن حويل اللي طويل السبالي جتكم تحياتي وشوقي مع الصيف=يالله عسى حالك ماهو مثل حالي نايف بن شليويح الفريدي |
رد: قصيده من قصائدي ........نايف بن مياس صح لسانك اخي نايف قصيدة جميلة للغاية تقبل وافر التقدير |
رد: قصيده من قصائدي ........نايف بن مياس اخي نايف شعر جميل وهواية اجمل وابداع لانظير له .... واسال الله ان يكثر الصيد وينزل المطر ويكسو الارض بجمالها لتعود لكم الفرحه ... والحقيقه ان هواية الصيد اعتبرها من اشرف الهوايات (ماهي هواية جمع الطوابع) هههههههههههه وذلك لانها مبنية على الرجوله ومصاحبة صفوة الرجال ...... صح لسانك وسلم بنانك ..... زياده ...... اسألك عن الوالد هل هو موجود وكيف حاله فقد عرفته وانا صغير حيث كان من خلصاء اصحاب خالي سعد بن عماش وكثيرا مايثني على خوته وشجاعته ونخوته عندما كانا زملاء العمل ... مع شكري ... |
رد: قصيده من قصائدي ........نايف بن مياس نايف صح السانك على المشاركه الرائعه يبدو انك من هواة الصيد تقبل مررررروري..... |
رد: قصيده من قصائدي ........نايف بن مياس اقتباس:
|
رد: قصيده من قصائدي ........نايف بن مياس اقتباس:
اما الوالد ابشرك موجود ونشيط ويدور له بنت ههههههههههه وبيض الله وجهك على هذا الثناء الطيب وانت معروف عند الجميع ومحبوب |
رد: قصيده من قصائدي ........نايف بن مياس اقتباس:
|
رد: قصيده من قصائدي ........نايف بن مياس صح لسانك اخوي |
رد: قصيده من قصائدي ........نايف بن مياس ا با شليويح صح لسانك |
رد: قصيده من قصائدي ........نايف بن مياس اقتباس:
|
رد: قصيده من قصائدي ........نايف بن مياس اقتباس:
|
رد: قصيده من قصائدي ........نايف بن مياس الاخ/ نايف صح اللساااانك ولاهنت وسلمت ودمت وااااافيه من راس واااافي لااااعدمتك |
رد: قصيده من قصائدي ........نايف بن مياس |
رد: قصيده من قصائدي ........نايف بن مياس صح لسانك يابن مياس،،، قصيده جزله من شاعر جزل،، تقبل تقديري ومروري. |
رد: قصيده من قصائدي ........نايف بن مياس صح لسانك يابن مياس ولافيه داعي لتنويه القصيده عليها الزناد والقصيده جزله ومن شاعر مايجيب الالجزل سجل أعجابي وتقديري وصح لسانك |
رد: قصيده من قصائدي ........نايف بن مياس فهد الفريدي / بن مزرم/ عايض المقطع/علي الجضعان صح الله ابدانكم وبيض الله وجيهكم على المرور |
| الساعة الآن 01:52 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir