![]() |
قصيدة شريف بن راكب في حفل الوسوس قصيدة شريف بن راكب الفريدي في حفل قبيلة حرب الذي دعا له واقامة ابناء الشيخ / جازي الوسوس رحمة الله على شرف الشيخ/ حمد بن عنيزان الدوسري واعيان قبيلة الدواسر في بلدة طلحة بتاريخ 26/6/1431هـ http://www.alfredah.net/vb/showthrea...800#post154800 سميت باسم مصرف الكون تصريف = رب العباد الي على الناس جايد واخذت من جزل التماثيل تقطيف = عوب البيوت النادرات الفرايد صفيتهن مثل المغاتير مع هيف = ما ضيف للمعنى من الهزل بايد لو ما يجارنّي على غاية الكيف = والله لا اسكر باب كل القصايد عاهدت نفسي ما الحق المدح تطفيف = ما اقول كود اللي مع الناس سايد اليوم كل اللي عليه الغطا شيف = عبر محطات الفضاء والجرايد الوقفة اللي ما تجمّلك يا منيف =ما ني بها قدم الجماهير شايد يا مرحبا بالضيف باسم اهل الضيف =تحيةٍ من حرب باولاد زايد وجودهم تاج ومعزة وتشريف =وعرفة هل المعروف منها فوايد تاريخهم معروف من غير تعريف = يثني عليهم بالرخاء والشدايد يوم السنين القاسيات الشحاتيف = يبرا لهم حظٍ من المجد صايد وان عودت للشلف وابرازة السيف = ديارهم عنها القبايل تحايد حازوا على الوادي بعيد الأطاريف = وعنه ابعدوا فرسان كل البدايد ضافوا له الرملة على شاطي السيف = يا نعم والله من قبيلة وقايد مدهال خدرات البكار المواليف = رثم الخشوم وزاهيات القلايد وآصل حمد واحتارفية وسط الأرشيف = كل الفعول الطيبة له عوايد لو تذكر العلياء ورا خط بارليف = يطلع لها طلعة مع الجو رايد الطيب لو ما دون بابة تكاليف = ما صار مدخالة على الناس كايد يشوفه اللي همه المال ويعيف = يا عل ماله هو وماله شرايد تم الكلام ولابقالي تحاسيف = وعيبٍ يجي قولي بليّا سنايد وسلام احلى من حليب المعاطيف = اللي بعيد من القرى والحصايد |
رد: فصيدة شريف بن راكب في حفل الوسوس صح لسان شاعر الابداع شريف بن راكب وسلمت اناملك ياعميد المجالس على هذا الاهتمام والنقل تقبل موفور المحبة وخالص التقدير |
رد: فصيدة شريف بن راكب في حفل الوسوس سميت باسم مصرف الكون تصريف رب العباد الي على الناس جايد واخذت من جزل التماثيل تقطيف عوب البيوت النادرات الفرايد صفيتهن مثل المغاتير مع هيف ما ضيف للمعنى من الهزل بايد لو ما يجارنّي على غاية الكيف والله لا اسكر باب كل القصايد عاهدت نفسي ما الحق المدح تطفيف ما اقول كود اللي مع الناس سايد اليوم كل اللي عليه الغطا شيف عبر محطات الفضاء والجرايد مشكور ابوراكان وصح لسان الشعر الكبير شريف بن راكب |
رد: فصيدة شريف بن راكب في حفل الوسوس صح لسانك ياشاعر شريف بن راكب الله يعطيك العافية ياعميد المجالس على النقل |
رد: فصيدة شريف بن راكب في حفل الوسوس صح لسان الشاعر القدير / شريف بن راكب وسلمت ودمت يابو راكان على النقل المميز والمشرف كل الود والتحايا . |
رد: قصيدة شريف بن راكب في حفل الوسوس صح لسان الشاعر شريف بن راكب على القصيده الجزله،،، وتسلم يمناك على الاضافه يابوراكان. |
رد: قصيدة شريف بن راكب في حفل الوسوس صح لسانك ولسان الشاعر |
رد: قصيدة شريف بن راكب في حفل الوسوس صح لسان الشاعرالمبدع شريف مشكور عميدنا على النقل الرائع |
رد: قصيدة شريف بن راكب في حفل الوسوس صح لسان الشاعر شريف بن راكب وسلمت يمينك يابو راكان |
رد: قصيدة شريف بن راكب في حفل الوسوس صح لسان ابن راكب ونعم بالدواسر أهل العـــشـر وتحياتي لابوراكان |
الساعة الآن 07:03 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir