لاشفت من تلبس البرقع=يصيب قلبي تقل روعه
كن الخطربالنظريلمع=سهوم(ن) بها الموت مدفوعه
ياناس ماطيع به وسمع=قلبي ومفتون في نوعه
ولاكل من تلبسه تقنع=يزهى من البيض مجموعه
يزهى جميل(ن) جمع أربع=يجيك في لبسته روعه
الوجه نورالقمريسطع=وإلا مصابيح مولوعه
ابيض طبيعي ماهوتصنع=ماهومساحيق مصنوعه
والعين عين أشقر(ن)فرع=اللي كفخ حزت طلوعه
اليا كتحل والتحظ يصرع=ولاظنتي يعيش مصروعه
والعنق عنق المها يرتع=يجفل من الحس ويروعه
به لمعة(ن) برقها يشلع=هووالذهب يجهرلموعه
والزول ان لبست المقطع=كل الحلا فيه موضوعه
متعزل الوصف متنوع=لاهي نشاش(ن) ومربوعه
متحشمه بالحياء تتبع=عادات أهلها مع ربوعه
تخاف من كلمة(ن) تلذع=مثل لوقيل دلوعه
ماقصرت ثوبها ترفع=تفتن بسيقان مربوعه
وماضيقت لبسها يشمع=بالكتف والردف وضلوعه
ماسرحت شعرها يلفع=تقلد تصاويرمطبوعه
انشهد ان شوفها ينزع=القلب من داخل ضلوعه

ابيض طبيعـي ماهوتصنـع = ماهومساحيـق مصنـوعـه
,,