![]() |
لا ضاق صدري جديد الجيب تليته ايها الاخوه :- اضع بين ايديكم هذه الابيات لعلها تحوز على اعجاب الجميع . لا ضاق صدري جديد الجيب تليته = يم الحرم و المدينه حق ناتيها ومعيه ارجال ٍوكل ٍعالي ٍ صيته = ارجال عز تنومسني طواريها اما سرينا وسهرنا الجيب في ليته = ولا سرحنا وشوف اديار ناسيها واليا وصلنا عفيف النقص وفيته = من عزبتلي قديمه محتفظ فيها واليا مشينا وشفت البرج عديته = وقفه على يمين دايم ما نعديها وجبت المعاميل ونجر الكيف دنيته = وسويت كيف يطير اعماس راعيها واليا تقهوو وتعشوا قلت سريته = وجت القصايد تراقص في مباديها واليا وصلت السريع وظلم مريته = هديت من سرعة ٍ بالجيب ماشيها خايف من امن الطرق اليا تمثنيته = يرصد وحنا القسايم ما ندانيها واليا وصلنا العطيف الجيب عبيته = اشرت له للتوانك لين يمليها وقبل الحويه يمين الدرب لفيته = عشرين كيلو مسافتنا نقظيها وقفت بالسيل محرم ثم لبيته = لبيت في عمرهٍ لله راجيها وفي موقفك يالحجون الجيب طفيته = اثنين كيلو على الاقدام نمشيها وشروعنا بالطواف الرمل بديته = وطفت الطوافات وسبع اشواط ساعيها وحلقت راسي ورب الكون دعيته = يغفر ذنوب ٍ عليه يوم اسويها ويقبل رجايه اليا مني ترجيته = ويقبل لي العمره اللي كنت ناويها و تسعين فرسخ ليا مني تهقويته = صوب المدينه بمشي الجيب نطويها وصلت وقت العصر والفرض صليته = وسنه نسلم على اطهر بشر فيها والجيب عقب العشاء له سلف دقيه = ياخذ طريق القصيم ونحو اهاليها المعذرة والسموحه لوصف ٍ اخطيته = ولحدٍ يوصف اديار غير ماشيها * الفرسخ الواحد = خمسه كيلومتر تم التنسيق - على الجضعان |
رد: لا ضاق صدري جديد الجيب تليته صح السانك وعلأ شأنك وتقبل الله منا ومنك طيب الاعمال تقبل مروري وتقديري |
رد: لا ضاق صدري جديد الجيب تليته صح بدنك اخوي ابو عمر ومرورك على مشاركتي بحد ذاته وسام على صدري وتقبل الله منا ومنكم صالح الاعمال |
رد: لا ضاق صدري جديد الجيب تليته صح لسان يالقسومي، والله يشرح صدرك بالايمان. |
رد: لا ضاق صدري جديد الجيب تليته ونعم المنصى ونعم الإنتماء من نصاه ماااخاآب صح لسانك وجاد جودك |
رد: لا ضاق صدري جديد الجيب تليته صح لسانك يالقسومي ابدعت ووصفت اجمل رحلة يتمناها كل مسلم نسال الله ان يعمر قلوبنا جميعا بالطاعة دمت بالوجود وتقبل واااااافر التقدير |
رد: لا ضاق صدري جديد الجيب تليته صح لسانك يالقسومي ولاتقطعنا من جديدك تقبل مروري |
رد: لا ضاق صدري جديد الجيب تليته اقتباس:
يشرح صدرك كل مسلم بالايمان |
رد: لا ضاق صدري جديد الجيب تليته اقتباس:
ولكم من جزيل الشكر |
رد: لا ضاق صدري جديد الجيب تليته اقتباس:
فمروركم على مشاركتي بحد ذاته وسام فخر وعتزاز |
الساعة الآن 01:44 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir