قالوا تـوفى قــلت والله فـقيــده = فالـح فــقيـدة حــرب بــد القــبايــل
يـالله يــالخـلاق محصي عبـيـده=تجبر عـزانا في كــريــم الشــمايــل
مرحـوم يافالح سليم العــقــيده = ياطــيب الرفــقه عــريب السلايــل
كــريــم سبــلا مــلـتجى لـلبديــده =في ساعة الميقاف ضمن الاوايـــل
رمز الكرم والجود مفني رصيده= راع الصياني والكباش الجــلايـل
مقدم طحاطيح العقول الرشيده= بالفـعل كساب الثـنــاء والجــمـايــل
يا ما يـجـيد من المـزايا الحميده =لـهــا مــع العــربـان رســم ودلايــل
لـــه بـــالكــرم والطيب سـيــره فـريــده = صعــب ٍ عــلى الاقـلام حصـر الفعايل
قفت به الاقدار واسـرع شديده = في ساعة الفـرقا ذهاب الرحايل
عساه بالفردوس روحـه شهيده = في جــيـرة الاخيــار واهل الفضايل
عسى البقا يبقي حرار ٍ تليده =من صلب فــالح وارثــين الخــصايل