أعرض لكم قصيدة الشاعر شريف بن راكب القيت في حفل زواج ناصر بن مبارك ابن ناصربـن حـديـد
بسم الله الرحمن الرحيم
هذه القصيدة نضمها وألقاها الأخ الشاعر/ شريف بن محمد الفريدي بمناسبة زواج
الأبن ناصر بن مبارك بن حديد في تاريخ 6/5/1431هـ..
نقلتها لكم لأنها درة ثمينه
وشكر موصول للأخ الشاعر مبارك بن ناصر بن حديد على القصيده

خـــيـر مـــاقـيــــل قـبـلي مـن كـلام يـفـيـد=نـبـتـدي بــالـسـلام ونـنـتـهـي بالـسلام
نـحــمــد الله هــدانــا للــعـــبــاده عــبــيـــد=عــارفــيـن الحلال من الطريق الحرام
نـقـتـدي بــالــرســول ولــســيــر نـسـتـعيد=نــور بـدرٍ تـجـــلى مــاغـطـاه الـظلام
يــأبــن آدم مــع الله خــل حـبــلك جـــويــد=وأعــرف أنــك تـنـام وفـيه مـن لا ينام
وكــــل شـيٍ تــريـــده دام مــالله يــــــريـد=لـــوتــكــرس جـهــودك ماتـحقق مرام
جـيــت أشــارك وأبــارك بـأحتـفال الحديد=الــمــيانـه تـراها طـبع ضيف الكرام
عــرفتــي بـــالنـشــاما مــن زمـانٍ بــعــيد=بـيـنـنا أقـوى عـلاقه فوق خمسين عام
الــوفــاء وآرثــيـنــه مــالــفـــوا بــه جـديد= مـــن سنـيـنٍ طـويـله عـنـدهم له وسام
مــايــحـصـل وراهــم كــل ســاعـي بـريد=كــود جزل السوالف محكمات الخطام
كــل مــاشـفـت واحـــد قــلـت طبعه فـريد=مــابــهـــم مــايـقــال ومــاعـليهم كلام
وعــد مــاهـــل وبــلٍ مــن خــيــالٍ سـديد=وعـــد مانـاض برق وعـد ماطير حام
مرحــبا بـالجـمـيـع وســاعــةٍ يــوم عــيـد=كــل غــالي نـشــوفـه لـه محل أهتمام
شـوف جـمــع الجماعه عندنا أكبر رصيد=تـثـلجـون الــصـدور وترفعـون المقام
وأنـقــل أعــلـى تـحـيـه مـثـل بـرج الـوليد=للــشيـــوخ الأكــارم مـنـزله وأحترام
قــدرهم مــايـهــان ومــستــواهــم يــزيــد=وارثـيــن الـشـــداد ومــالـكـين السنام
يــوم وقــت الـقــســاوه والـظـعن والشديد=نـعـتـبـرهم دروع ونـعـتـبـرهم حـزام
مــانـجـازي وفــاهـم بـالــردى والـجـحيد=ولانــضــيع جــهــود معـــدلين الجهام
النــهـأيـه نـســألك يـــالحــمــيـد الـمـجـيد=يــوم تـفـنى الجميع ويوم تحيى العظام
رحمـةٍ مــنك فـيــنا يـــوم هــاك الـوعـيـد=يــوم تـبــقـى الـخـلايق تنتظر لأنقسام
احــدٍ يــودعــونتـه بــيـــن نــار وجــلـيـد=يبـــتـــدي لـه حيـــاةٍ مـــاتـــغير دوام
شـف طريق العذاب وشف طريق السعيد=بـيـن حـور الجنان وحدر بيض الخيام
النـهـــايـــه ســـلام وشــكـــر لله قـــــــيد=وكــل شــي بـنـظام وديننا أحسن نظام
الشاعر.شريف بن محمد الفريدي

المشاركة الأصلية كتبت بواسطة عايض المقطع (المشاركة 148127) صح لسان الشاعر، وتسلم يمناكـــ يابن مطيع على النقل.

المشاركة الأصلية كتبت بواسطة منصور الوسوس (المشاركة 148139) يستاهلون الحديد قول وفعل وصح لسان شريف الشاعر الجزل والف شكر لك اخي ابن مطيع على هذا النقل الراقي دمت مشعلا في مجالس العز والشموخ

من الشاعر الفذ دايمٍ نجد مايشبع احاسيسنا
هذا ماوجدناه في قصيد الشاعر شريف الفريدي

شكر بن مطيع على الاهداء

المشاركة الأصلية كتبت بواسطة علي الجضعان (المشاركة 148190) يستاهلون الحديد قول وفعل وصح لسان شريف الشاعر الجزل والف شكر لك اخي ابن مطيع على هذا النقل الراقي دمت مشعلا في مجالس العز والشموخ

المشاركة الأصلية كتبت بواسطة ذيبان (المشاركة 148275) ونعم ’’’ يستاهلون المدح وصح لسان الشاعر الفريدي الصادق شريف الفريدي