مجالس الفرده - يامرحبا باسم النسيب ونسيبه

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

- - يامرحبا باسم النسيب ونسيبه (http://www.alfredah.net/forum/threads/alfredah20420/)

يامرحبا باسم النسيب ونسيبه

في زواج ( سلطان ) ابن الاخ الفاضل عياد بن كنعان الفريدي
كان هناك حضور وامسية شعريه تليق بتلك المناسبة
وقد كان ظمن الحضور الشاعر الكبير : بدر الحويفي
والذي القى هذه القصيدة التي اقدمها بين يديكم حيث يقول ابو سلمان

بسم الذي ماتعلم الناس غيبه=محي العظام الباليه رب الارباب
دعاني الداعي وانا جيت شيبه=وغيري شبابٍ شعرهم يعجب اعجاب
وانا لربعي جيت ماهي غصيبه=عند الرجال اللي لهم قدر وحساب
ورسمت للشعار مرمى الضريبه=وتفتحت قدامهم كل الابواب
يا مرحبا باسم النسيب ونسيبه=عداد وبلٍ هله المزن سكاب
بالمحفل اللي كل غالي دريبه=باللي لفوا من حرب واللي من اجناب
حفلت فرح ماهي بعاده غريبه=كثروا بها الزوار غلمه وشياب
وتصافحوا بايمانهم عقب غيبه=والعذر يكفي عن بعضهم اليا غاب
حفلٍ كمل مافيه عيبٍ يعيبه=في ليلةٍ فيها جمع شمل الاحباب
وهذي عوايد للرجال النجيبه=تمسكوا فيها عريبين الانساب
ذكرت موجز والقليل اكتفيبه=وانا اختصرت القاف والقاف ما شاب
واللي من الشعار يحمل حقيبه=يدخل وانا ابطلع وابا افتح له الباب
مع احترامي للشعر وتهذيبه=وتقدير للشعار طلقين الاشناب
وصلوا على اللي منهجه نهتديبه=على الرسول اللي تيمم بالاصحاب