|
من جرب الايام ... مشاعرٌ معبِّره ..... ونتاج تجربه .. اهديها لكم احبتي .... من جرّب الايام شاف التهاويل=وما مرّ غيره من غثاها يمرّه كم ذايقٍ منها العنا والغرابيل=لو يتكرّب للبلاوي تجرّه وكم حوّلت من قمة المجد حلحيل=من عقب ما صدر المجالس مقره ولا توخذ الدنيا اعتباط وتساهيل=من ذاق حاليها تجرّع لـمره ياما بها على الاجاويد من ميل=واحوالها بين الشقا والمسره وسود الليالي موهقاتٍ محابيل=خذ الحذر لا ياخذنّك بـغِرّه لاتسوّي المعروف باردى الرجاجيل=والطّيب لايعوّد عليك بمضره كم زارعٍ لاصار وقت المحاصيل=مايجني الا مايشيله بـ(صرّه) من يحسبن الناس روس ومشاكيل=ويغريه منهم قول" لله دره" وكثير مدح الناس خدعه وتضليل=احدٍ لها حسّاب واحدٍ تغره كم واحدٍ تكثر عزاويه بالليل= واليا اشرقت شمس الحقيقه.. مَغَرّه وكم واحدٍ يضرب على الصدر بالحيل=واليا بغيته لو "تقصه بجرّه" وعندي عن الاصحاب جمله وتفصيل=وابا اختصر خوف الملل والتشره هذا خوي سَهَره وسَفـْره وتعليل=ويا (حلوها) ما دامها مستمره وهذا رفيقٍ لايشيِّل ولا يشيل=على الاقل كافيك خيره وشره وهذا رفيقٍ ترتخي به صواميل=شدّه لو ان الشد نوبٍ يضره وهذا رفيق ماترك لوية الذيل=خلك وسط ..مابين برده وحره وهذا خليلٍ بينهم كنه سهيل=اللي مثيله نادرٍ بالمجره طيبه وراثه ماظهر فيه تمثيل=ولا سَلـَك درب المعالي "تكرّه" ياقل مثله عند سلّ المصاقيل=يوم "المواقف" بين كـَرّه وفرّه هذا رفيقي "ريّضوا" ياهل الخيل=السَّعْد والتوفيق مَرّه ومَرّه |
رد: من جرذب الايام ... اقتباس:
جيت ابقتبس الحكمة فكانت الحكمة هي جميع ماسبق شكرا على الابداع شكرا على الكم من الحكم شكرا على هذه الثروة من النصائح شكرا شكرا با عبد العزيز قد اثريتنا من التجارب وتحية طيبة |
رد: من جرذب الايام ... قصـــيدة جميــــلة ورائعــة وايضــا فيـــها من الحكـــمة البالغه انت هــامة من هامــات الشـــعر يا ابـو عــبد الـعزيـز قصيــدتك خاطبـــت أروع وأسمـــى معانـــي الحكمه والتجربه التي ترجمت المعاني الى قصيدة سيخلدها التاريخ الى الأبد ((نعم الى الأبد)) |
رد: من جرذب الايام ... لاتسوّي المعروف باردى الرجاجيل [[[[[[[[[ والطّيـب لايعـوّد عليـك بمضـره كم زارعٍ لاصار وقـت المحاصيـل[[[[[[[[[[[ مايجنـي الا مايشيلـه ب(صــرّه صح لسانك وتسلم يمينك على الابداع وتقبل تحياتي |
رد: من جرذب الايام ... صح لسانك وعلا شانكـــ يابوعبدالعزيز، قصيده جزله ورائعه. |
رد: من جرب الايام ... الله ... الله ... الله اقف احتراما لهذه السيل العارم من الحكم الصوارم ابيات غاية في الحكمة وهي خلاصة تجارب وليست اي تجارب بل تجارب حكيم كيف لا وهو اباعبدالعزيز الذي اهدى لنا العديد من النصائح والحكم .. شكرا لك وتقبل قبلة على جبينك لما اسديته لنا ولمجالسنا من ابداع وتألق ... تقبل وااااافر التحايا وخالص الاحترام |
رد: من جرب الايام ... صح السانك اباعبدالعزيز قصيده أراهن على جودتها وروعتها وفيها من الحكم الشئ الكثير وسجل أعجابي بها وذكرتني في قصيده الأمير/خالدالفيصل!!؟؟ لمت الزمان ولايم الوقت غلطان حوادث الأيام من فعل أهلها ياعايش باللو والليت خسران دنيا ماتساوي حسايف زللها يروح عمرك بين لو كان ماكان والعز ساعة ماتساوي عذلها ياعايش باللو والليت خسران دنيا ماتساوي حسايف زللها يروح عمرك بين لو كان ماكان والعز ساعة ماتساوي عذلها |
رد: من جرب الايام ... صح لسانك ابو عبدالعزيز ولهو غريب الجزل منك |
رد: من جرب الايام ... اخي العزيز ابو عبدالعزيز ابهار يفوق الوصف .. ومهما حاولت وصف مشاعري تجاه هذا النص الراقي فلن اوفيه حقه .. وقد اسعفتني الذاكرة في نقل تعليق سابق كتبتة تحت خبر تعيين الاخ / منصور الوسوس واعيد نشره بتصرف لعله يليق بهذا المقام . ( إن اللغة لا تتسع دائمًا لما نجده في أنفسنا، تضيق بنا المعاجم، تضيق بنا اللهجات، وتفتقر الكلمات إلى المقدار الكبير في دواخلنا، الأفعال قد تحل محل اللغة أحيانا، ولكل منهما -اللغة والفعل- مقام يتناسب معه، ولغتي تضيق بهذا الشاعر، حتى أقول عنه أمرًا، هل تكفيه قبلة على الجبين حتى أدرج التعبير في صنف التعبير بالفعل؟ ربما القاه يوما لتكتمل هذه العبارة ....!! ) تقبل مروري فارس الحرف |
رد: من جرب الايام ... غازي الفريدي يا مقتبس كل القصيده شعورك=نفس الشعوراللي محبك يبادلك صدق المحبه والوفاء في مرورك=وانا عساني في جوابي اجملك لاهنت ياغازي تشدك جذورك=شدٍّ لنبع الطيب والمجد يوصلك |
| الساعة الآن 08:22 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir