|
ان ماحسبنا احساب هاك الوقافي @ راحت علينا اعمارنا بالشقاء فوت بسم الله الرحمن الرحيم السلام عليكم ورحمة الله وبركاته قبل القصيدة بيتين اهداء للجميع اغيب لكن حاضر الود ماغاب=يعلم غلاكم عالم السر والغيب عبر المجالس يارفيعين الانساب=اهديلكم بيتين وقفة 00 وترحيب بيت كبير ايضمّنا احباب واقراب=والله يحييكم ضيوف ومعازيب واليكم هذه الموعظة كتبتها لنفسي واسأل الله ان يكتب لنا واياكم حسن الختام ياعالم" بالبيّنة والخوافي=تكتب لي التوبة قبل موعد الموت واعيش بطمئنان والسترضافي=اليوم وايضا يوم للدود بي قوت بكرة اذا استوطنت بعض الملافي=في ماقع بالطول والعرض ( تابوت ) القاع فرشي والنثيلة لحافي=فوق اللحد مايازن الطن مكتوت قبل مشي دفّانتي بنصرافي=في ساعة في سبع الارض مكفوت يرسل اثنين" ياخذون اعترافي=ياربي التثبيت في قول مثبوت وتفتح لي الجنة وتكرم مضافي=فالبرزخ المجهول ياسامع الصوت ياطول في ذاك المكان انجعافي=لازاير" يذكر وجيراني اسكوت غير العمل مالي خوي" مصافي=وحبل الرجاء في غير الإإله مبتوت عساه طيب وابيض الوجه وافي=ومن طابت اعماله هاك اليوم مبخوت نهار يبعث عاري الجلد 000 حافي=يوم الحساب اللي بالاهوال منعوت ان ماحسبنا احساب هاك الوقافي=راحت علينا اعمارنا بالشقاء فوت وسلامتكم |
رد: ان ماحسبنا احساب هاك الوقافي @ راحت علينا اعمارنا بالشقاء فوت نهار يبعث عاري الجلد 000 حافي يوم الحساب اللي بالاهوال منعوت ان ماحسبنا احساب هاك الوقافي راحت علينا اعمارنا بالشقاء فوت صح لسانك ابيات تحمل معانب عديدة ولها فوائد متعددة تسلم يمينك على النقل ونتمنى ان تتواصل معنا تقبل تحياتي |
رد: ان ماحسبنا احساب هاك الوقافي @ راحت علينا اعمارنا بالشقاء فوت الشاعر ابوزياد صح لسانك واهلا بعودتك لمجالس العز والشموخ قصيده فيها الجزالة والدعوة والعضة تقبل اعجابي بنصك وجزال ابياتك |
رد: ان ماحسبنا احساب هاك الوقافي @ راحت علينا اعمارنا بالشقاء فوت ابو زياد صـــح الســانك على القصيدة عزالله انك ابدعت واجدت ياابو زياد قصيده في قمة الروعه والجمال قصيده وافيه من شاعر وافي ............. لاهنت وصح السانك يالغالي ومعذور كل أنسان وله ظروفه ووجودك بينا يسعدنا |
رد: ان ماحسبنا احساب هاك الوقافي @ راحت علينا اعمارنا بالشقاء فوت ابو زياد صـــح الســانك على القصيدة الرائعه والتي تذكر كل مسلم بمصيره بعد الموت عزالله انك ابدعت واجدت ياابو زياد قصيده في قمة الروعه والجمال قصيده وافيه من شاعر وافي *رد على السريع لضروف مع الاعتذار يامرحباء ترحيب غالي بالأحباب = على النقاء والطيب يامنقع الطيب مثلك عزيزن نفقده كل ماغاب = والى رجع تصفي جميع المشاريب ماكل من غاب يحسب له حساب = وأبالثعل ماينحسب حسبة الذيب يكفي حضور مانبي عرف الأسباب = وفي شخصكم ماينتهن التراحيب |
رد: ان ماحسبنا احساب هاك الوقافي @ راحت علينا اعمارنا بالشقاء فوت شاعرنا الحاضر في قلوبنا : أبوزياد ترحيب رائع من قامة شعرية نفتخر بها دائما وقصيدة غاية في الجمال لايتنبه لها الا الفطناء مثلك وشرواك فالكثير من الشعراء يطرق جميع انواع الشعر وقد لاتجد له قصيدة في الانابة الى الله وطلب الرحمة والمغفرة .. نسال الله حسن الختام ونشكرك جزيل الشكر على هذه الاضافة الجميلة تقبل باقات من الورد والكادي لشخصك الكريم |
رد: ان ماحسبنا احساب هاك الوقافي @ راحت علينا اعمارنا بالشقاء فوت يالغايب الحاضر تحيه وترحاب=هقواتنا في مثل شرواك ماتخيب وغلاك دمٍّ بالشرايين منساب=وهديّة ابو زياد "درّه" و"توجيب" والبيت "تثبيته" مناسيب واطناب=وانته من الاطناب واقوى المناسيب الغالي ابو زياد نعتب صحيح ... نشره صحيح ... ننتظر صحيح .. لكننا لا نملك الا الامل ونلتمس لك العذر ...فلكلٍّ ظروفه !!! واليوم تقدم لنا اجمل هديه ..وفرق بين هدية اليد وهدية الروح .... فالارواح دائما بحاجه ، اما اليدين فتتقاذف المحسوسات كل يوم .... اشكرك على العظه وجميل الموعظه ... وجزاك الله خيرا ........ |
رد: ان ماحسبنا احساب هاك الوقافي @ راحت علينا اعمارنا بالشقاء فوت هلا ابو زياد غاب الرفيق وعاد من بعد ماغاب=عاد بسلامة وسلامة مكاسيب جانا عقب ماطول اغيابه وجاب=مثل الدرر هديةٍ للاصاحيب مثايلٍ تكتب من الوعظ بكتاب=شاعر وعنده من زمانه تجاريب وحنا نرحبه ونفتح له الباب=عاداتنا نفرح بفعل المواجيب ونقول آ مين بكل ماقال ينثاب=آمين عسانا من العفو من خيب الحمد لله على السلامة |
رد: ان ماحسبنا احساب هاك الوقافي @ راحت علينا اعمارنا بالشقاء فوت بسم الله الرحمن الرحيم شكرا ً يا ابو زياد على هذه القصيده الرايعه في محتواها وفي مضمونهاالذي يذكرنا في ماينتظرنا وما ننتظره بعد فنا هذه الدنيا الفانيه في ذاك الموقف الذي لابد منه فيا للهول من ذالك اليوم تغمدناالله و يكم بواسع رحمته وجميع المسمين ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛ وشكرا ً على هذه التحفه الجميله اخوك/ مبارك بن ناصر بن حديد الفريدي |
رد: ان ماحسبنا احساب هاك الوقافي @ راحت علينا اعمارنا بالشقاء فوت اقتباس:
اخوي الفاضل نجم الليل صح بدنك وجزاك الله خير واعجابك من سمؤ ذوقك تقبل تحياتي واحترامي يابن العم |
| الساعة الآن 11:02 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir