ليا صرت تبغى الحق والحق يزعلك = خلك بحالك في طريقك الحالك
لاتحسب ان الناس دايم تجاملك = الناس تقصر كان قصرت احبالك
بيني وبينك سلك واباقطع السلك = ما كل من يصبر يطيق احتمالك
لاتحسب ان الله على الخلق فضلك = والحر مايتبعك من شان مالك
شهامتي تحكم علي اتجاهلك = لاامشي وراك ولا اتمنى زوالك
الله هو المعبود هو مالك الملك = والا انت ملكك مايتجاوز حلالك
اعرفك حاكم بس حكمك على اهلك = امرك ونهيك ما يتجاوز اعيالك
هذا ماعندي والسبب من تعاملك = كف المجادل لايطول جدالك

صح السانك على القصيده الرائعه
التي تخفي الكثير من التجربه وقوة المعني
يبدو انها ذات سبب عميق! ترجمها أحساسك الرائع الى ابيات شعريه
سجل أعجابي في القصيده
صح السانك ياعلي
كفيت وفيت

اخوى

الشاعر العلم / على زيد الفريدي


صح لسانكـ واعتلائ شأنك جزل بكل ماتعنيه الكلمه من معنى

بيني وبينك سلك واباقطع السلـك


لله درك ياشاعرنا


تقبل تحيتي

ليا صرت تبغى الحق والحق يزعلك
خلك بحالك فـي طريقـك الحالـك

صح لسانك يبو خالد على هذا الابداع
تنويع رائع من الحكمة والكلام الجميل
اعتدنا حضورك الراقي لاعدمناك
تقبل وااافر الحب والتقدير

صح لسانك

واعتلا شانك

واتمنى أنك ماتطول الغيبه يابوخالد

ليا صرت تبغى الحق والحق يزعلك
خلك بحالك فـي طريقـك الحالـك

الشاعر / علي بن زيد

صح لسانك .. وبيض الله وجهك

المشاركة الأصلية كتبت بواسطة علي زيد الفريدي (المشاركة 139243) ليا صرت تبغى الحق والحق يزعلك = خلك بحالك في طريقك الحالك لاتحسب ان الناس دايم تجاملك = الناس تقصر كان قصرت احبالك بيني وبينك سلك واباقطع السلك = ما كل من يصبر يطيق احتمالك لاتحسب ان الله على الخلق فضلك = والحر مايتبعك من شان مالك شهامتي تحكم علي اتجاهلك = لاامشي وراك ولا اتمنى زوالك الله هو المعبود هو مالك الملك = والا انت ملكك مايتجاوز حلالك اعرفك حاكم بس حكمك على اهلك = امرك ونهيك ما يتجاوز اعيالك هذا ماعندي والسبب من تعاملك = كف المجادل لايطول جدالك

انت البحر اللي تهادى به الفلك=ياحيّ ماصغته ويا حيّ فالك
وانت العزيز اللي حروفك تدللّك=من كثر ما عيشتهن في دلالك
الفرز والتصنيف ماعاد يشملك=الشعر يرفع رايته ثم مشى لك
لاتلتفت ياطويق للي يطاولك=ومن هقوته نفسه يناطح جبالك
يمكن تجامل واحدٍ كان يجهلك=وتحطها مابين عنتر ومالك
نوبٍ يابو خالد قريبك يعللك=وتصير دلوٍ بين عمك وخالك
ونوبٍ تجمـّل والردي مايجملك=لو ماعطت يمناك يجهل شمالك
وشعرة ابو سفيان تكفي عن السلك=لاتقطعه وانته دليل المسالك

الله الله الله
القمة لبن زيد وابن عتاق
درر وحكم
وشيم
حقيقي نفخر بمثلكم
صح الله السنتكم
تقبلو مروري