|
قلب المطوع رداً على قصيده أخوى الكبير بقدره ولو إنه أخذ الورد وترك للباقين البقيه وكما يقال الاول لاعب والثانى تاعب لكن عسى الله يجملنا عنده القصيده إحترت بإمر العود وامره محير=وأنا منول كل ماقال أطيعه أنا أحسبن العود يالربع خير=لكن فجعنى بالمثايل فجيعه وتبينت قلب المطوع صغير=توه شباب وتوه أقبل ربيعه ولالوم قلب العود لوهو تطير = نمر العتيبي راح من حب شيعه وفهيد بن هذال لعداه سير= وعلى شداده مات موته شنيعه وراع الهوى لوهو سكن وسط دير= يختل لا شاف العيون الوسيعه قارى نفي عقب الصغير تغير=والعود ماخالف لحكم الطبيعه وإن كان بن جضعان للعود عير= مزحه بريئه ماوراها قطيعه والشيخ ابو بندر له الفكر نير= يخاف لاتبدى عليه الهزيعه واللى يلوم العود مخه مجير= ماذاق لوعة باكر ومن تبيعه أرجو أن تنال إعجابكم وإستحسانكم |
رد: قلب المطوع صح لسانك شاعرنا القدير : غازي ابيات غاية في الجمال يستاهل ابو عبدالعزيز عندليب المجالس لا اعتقد ان هناك من يسطتيع ان يلوم صاحب القلب الخضر شكرا لك على هذه الاضافة البديعة دمت لنا مبدعا تقبل واااااااافر التحايا |
رد: قلب المطوع صح لسانك يا اخ غازي ابو زوايد قصيده جزله .. ومواساة لطيفه جدا للعود ابو قلب كبير ماهو اخضر بس .. سوو له اشعه ولقوا صورة قلبه بكل الوان الطيف. وترى ابن جضعان يبخصه زيييييييييييين بس (مطوع) مثل ما انت شايف احطها بين قوسين وتحتها خط . تقبل مروري فارس الحرف |
رد: قلب المطوع اقتباس:
اخوى القدير منصور الوسوس صح بدنك ومشكور على المرور والعود كله خضر؟؟؟ تحياتي |
رد: قلب المطوع اقتباس:
اخوى فارس الحرف شكراً لك مرورك العطر والعود مايبي مواساه أما مسألة مطوع هذى من عند معلاء وأكد لى بإنه كذلكـــــ أما مسألة إنه بإلوان الطيف والله أبو عبدالعزيز كله حلا حتى من غير الوان تحياتي |
رد: قلب المطوع صح لسانك ابو فيصل على هذه القصيدة ويستاهل شاعرنا وعندليب المجالس ابو القلب الاخضر لكن القلب المطوع تحتاج الى تفسير اشكرك ياشاعرنا المبدع على هذه الابيات وتقبل تحياتي |
رد: قلب المطوع اخوى ابو وســـــيم شكراً لك على المرور أما مسألة قلب المطوع يحب ؟؟؟ نعم يحب وهناك عبدالرحيم التميمي وهناك مطوع نفى والمطوع له قلب يحب ويكره ويشتاق ويحن يعني مثل ماقال الامير خالد الفيصل مجموعة إنسان تحياتي |
رد: قلب المطوع ههههههههههههههههههههههههه ههههههههههههههههههههههههه هههههههههههههههه اخيراً ابو فيصل تحرك القلب ، والا كان تحت الرقابه !!!ههههه اما مسألة المطّوع كما تسائل الاخوه فان المعنى ببطن الشاعر ... لكن طالما كثر الاستفساروالتفسير فلدي تفسار .. يقصد ابو فيصل ..طـُوِّع لاتطوّع كما قال ابن رهطويه وبذ ّويه وخضرويه وغيرهم ... فهو المطوّع قسراً بسبب ماتدركه الحواس الخمس وتختزله ههههه تضل كبيرا ابا فيصل شعوراً وشعراً ومحبة ... جاريت وكفيت ووفيت صح لسانك وبنانك لاعدمتك |
رد: قلب المطوع ياسلام والله أني أعجب بهذه القصيده صح السانك ابافيصل الابداع ماهو غريب غريب عليك بس لي عتب أخوي عليك ابافيصل جاملت العود تراك ضريته لن يصلح العطار مافسد الدهر الشباب هو روح الغزل العذري يالله حسن الخاتمه الرجال أذا تعدى عمر !!! يدور من سنته لايبلى الناس الكبر عيب ذياب بن غانم والوضح أكبرشاهد ابافيصل صح السانك وعلأشانك وتقبل مروري وتسجيل أعجابي وياهلابك |
رد: قلب المطوع صح السانكـ ويستاهل عندليب الغرام |
رد: قلب المطوع اقتباس:
اخوى ابو عبدالعزيز مسألة المطوع وكبير السن كلها من الشباب الله يهديهم والشاعر يقول أنا الى شبت البنات عشقتنى * وأنتى تبرى منك حتى الشياطين تظل كبير أبا عبدالعزيز تحياتي |
رد: قلب المطوع اقتباس:
اخوى ابو عمر ماضرالعود إن شاء الله والدهر مافسد شىء ولاهو بحاجة عطار عين خير يابن جضعان لايلتفتلك العود قال سن (000) قال ؟؟ السن وش جاب طاريه هههههههههههههههههه أشكر لك مرورك وإضافتك الجميله تحياتي |
رد: قلب المطوع اخوى متعب بن نومان وهذا إسم جديد عندليب الغرام خابره عندليب المجالس شكراً لك المرور تحياتي |
رد: قلب المطوع الشاعر غازي صح السانك على القصيده التي يوجد بين طياتها التعمق في المعنى وقوة الشاعريه ويستاهل الشاعر ابو عبد العزيز ((العندليب)) |
رد: قلب المطوع اخوى ابن مطيع نعم أبو عبدالعزيز يستاهل وأشكرك على المرور والاشاده تحياتي |
| الساعة الآن 08:42 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir