مجالس الفرده - البارحه دارت علـي الهواجيـس**********

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

- - البارحه دارت علـي الهواجيـس********** (http://www.alfredah.net/forum/threads/alfredah17412/)

البارحه دارت علـي الهواجيـس**********

البارحه دارت علـي الهواجيـس = وعجزت أرتب فكرتي وأختصرهـا
سلمتها حبر القلـم والقراطيـس = والهاجس اللي جاب عندي خبرها
عامين مالي في حيـاة النواميـس = ودعتهـا توديـع غيـم لمطرهـا
يوم إنهمل من دون وزن ومقاييس= ماهـو براجـع للغيـوم وقمرهـا
وأنا حياتي كـل أبوهـا كوابيـس = أردد الفرحة علـى مـن قبرهـا
كني سجين ٍ ذاق حـر المقابيـس = يبغا الطلوع ومدتـه مـا خبرهـا
مسجون وحراسه رجال ٍ دنافيـس =تدبل له الكيله على مـن أمرهـا
عزي لحاله من حيـاة المفاليـس =لاصار حاله مثل حالـي خطرهـا
بأسباب من داره بعيد التظاريـس = قفـا وعـرا دمعتـي ماستـرهـا
مايدري إن الناس بعده معابيـس =والعين من بعده قصيـر ٍ نظرهـا
ومايدري إني عايش ٍ بالوساويس =أجامل أيامـي واحسـب شهرهـا
وإن كان يبغا نبـذة ٍ بالقواميـس =عني وعن حال ٍ صـدوده دمرهـا
حربي وساكن في ديار السناعيس = دار الكرم والجود محـد ٍ نكرهـا
أخذت من شمر علوم النواميـس =وأخذت من حرب العريقه فخرهـا
شمر هل الطولات من عهد بلقيس=وحرب ٍ ٍ هل الوقفات محد ٍ قهرهـا
جمعت بالثنتين رؤس القرانيـس =وملكت بر من الفخر مـع بحرهـا

للشاعر محمد عقيل صعيوان الفريدي