يوضي كما الليزر وضوح(ن) وشعاع = ومن شوفته للحرقلنا وداعي

اقتباس:
المشاركة الأصلية كتبت بواسطة علي الجضعان
شاعرنا وصقارنا الجديد

يتحفنا بمالديه من جديد

بقصيده موجهه الى الشاعر الكبير / على بن محمد بن موسى الحمود

هات القلم واكتب على روس الأصباع = وسجل مع أهل الشعر بالشعرباعي

بالذات من يهوي القنص والتمتاع = بالطيروإلاالغيرهذاامتناعي

كم شاعر(ن) قبلي طرق عدة انواع = ومع الأسف شعره مع الناس ضاعي

يابوحمود سهيل شفناه لماع = عقب الغباء شوفه جنوب (ن) لماعي

يوضي كما الليزر وضوح(ن) وشعاع = ومن شوفته للحرقلنا وداعي

وياماحلا اللكزز وجمسين وشراع = ويماحلا بالبر طق الشراعي

وشب الحطب والنجر صوته اليا أنصاع = يجذب عليك من الفريقين داعي

ومبهرات الهيل من كل الأنواع = ومسمارها محذور مافيه داعي

وكبش (ن) معلق بين ناهي ورضاع = يوم( ن) بعض الناس شحه مطاعي

مجٌود(ن) بالقرش من قل الأسناع = وكيل مال الورث يوم الوداعي

والسيل وقعه بالوطاء قبل مايذاع = ومن الصباح بكل ديره إذاعي

ومعنا مثل شرواك يشراء ولايباع = وخسران منهو لبيض الوجه باعي

وطير(ن) مثل سطاح راكد وطلاع = وإلامثل عزام لاقيل فاعي

الخرب من حد السهل للوعر فاع = وتل السبوق وزم بالأرتفاعي

كنه أوكس مراقبٍ(ن) كل الأوضاع = ودايم عيون مراقب الجو واعي

وحول من اللجه على الرأس للقاع = نجم(ن) على روس الشياطين ماعي

مافاد كثر مراوغه والتلواع = طير(ن) على صيد الخريشات ساعي

وليهون نجم(ن) بالسماء له تلماع = نجم السهاء برقن سراء له شعاعي

له جائزة نوبل توقع بالأجماع = ويرعاه من رب السموات راعي

يرشنا رش المطر لشهب القاع = بمفردات القاف عنده براعي

الشاعر / عبدالله سمير العوماء الفريدي



ملاحظه : قريباً مجارات الشاعر عبيد نهار الفريدي

لهذه القصيده

الله يسلم عمرك وشبابك يا ابن جضعان

لقد انعشت قلوبنا بروائع مشاركاتك ونقلك

عسى الله يديمك للقبيلة ومجالسها يا فاكهة المجالس

وربي يسلمك من الحر والشر يا ولد ابوي عوض

وصح لسان من قال ::