![]() |
النجوم اخواني واخواتي الكرام ..السلام عليكم ورحمة الله وبركاته .... ومبروك عليكم الشهر الله المستعان ...الحقيقه اعتذر عن الغياب لأسباب وأسباب ...الله لايشغلنا الا بطاعته ..... فهاأنا اعود واعتذر كالعاده .. المهم اليكم هذه المشاركة واعذروني .. في لليلة من الليالي لحالي في خلا خالي في اوآخر احد الشهور وكانت نجومها ساطعه في السماء فسبحان الله ...فسرح فكري ومرح معها وعوضتني بعض الشي عن نجومٍ في الذاكره ونجومٍ في التاريخ ونجومٍ في ساحة الشعر و...........الخ
سريتي يالنجوم المرقبه عني وانا أطالعك=ويبقى الجدي وسهيل الجنوبي واكبر اوجاعي سريتي وان بقيتي للسهر ياودي ابقى معك=ولو ان مالي ومال السهر مع كثرتك داعي فاذا كنتي على كثرة عددك هموم وش ياسعك=وصدري فيه كثرك ويحدنه حدب الاضلاعي همومٍ وسط قلبي ودي ابعدها كثر مأجمعك=وانا ماني لهاذا يالنجوم المرقبه واعي انا واعي على شان اتأمل فيك واودعك= والا هموم قلبي طول عمري تلوي ذراعي يطول الشرح عنها وانتي ان رحتي وش يرجعك=وانا ودي على الضؤ الضئل اعدل اوضاعي عسى نور الامل لالاح لي مايصير في موقعك=والا كان مت من القهر وعيوني اتراعي جعلك الله مصابيح السماء يانجوم في مطلعك=تشوف وتقتدي بك هالاوادم والله الراعي ولكن من يشوف دموع عينٍ زاد فيها المعك=تلافاها الكفوف وتحتضنها رووس الاصباعي مدام ان الاوادم بالخطاءتشوفك ولاتسمعك=ابا اغمض اعيوني لاحكوا واقفل اسماعي يقولون انت مخطي لو نبي نقنعك مانقنعك= وانا لارايي ولاراي غيري حاول اقناعي لصار اللي يبي يقنعك عمره مانوى ينفعك=وش ارجي من ورا انصاف الحلول ان صارت ارباعي صراحة خير يالقلب الصريح ان كانها توجعك=مابي طاري الصراحه دامها هي سبت اوجاعي تبي مني الصراحه للصراحه ماني مشجعك=دخيلك لاتخلي باقي الابواب شراعي والا ياقلب لاتحزن ترى اللي معك ماقاطعك=علاقة وصلهم مثل الرساله في يد الساعي انا قلت اني اسهر معك يانجوم الخلا ولا اتبعك=ولكن جت عواصيف الرياح وضفت شراعي |
وقفة . . تأمل . . إحترام . . إعجاب الله على شعر يروي متذوقيه حتى الثماله جميله جميله حتى الكمال صح السانك بلاعدد لاهنت لاهنت ابو وافي ووافي وجزل |
صح لسانك وبيض الله وجهك قصيدة رائعة من شاعر اروع سجل اعجابي |
قصيدة رائعة من شاعر اروع صح السانك وزدنا من ابداعك |
صح لسانك وتأمل رائع............ |
رد: النجوم صح لسانك يابو وافي |
رد: النجوم حروف متسلسلة كاسلسلة ذهب نظمت بها الكلمات كاقلادة 0 فتطوق الشاعر بها من شدة همومه ويرى بريقها وهو ساري في ظلمة ليلا تحت بريق نجوم 0 يتسامر معها ويشكي همه شعر رائع يتسع خيال من يقرأه ويتأمل بديع تأملك بتلك النجوم وإعجابك بها تقبل مروري واطالتي وااعجابي بهذه الأبيات |
رد: النجوم قصيده تستحق الرفع |
رد: النجوم قصيدة رائعه صح لسانك |
رد: النجوم صح لسانك شاعرنا الموقر نواف هلال |
الساعة الآن 06:23 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir