يارشيد لاقالو هل القول منعـوت=عز الصديق وذاك يارشيد موتـه
ياشاعرن شعرك جواهر وياقـوت=تقطف ثمر جزل المثل من انبوته
لويقتبس معناك غيرك يروح اوت=كورة قدم كلـن يشوتـه أبوتـه
مايستو ي مال الغني عند شحتوت=هاذي تجي دونه وهاذي تفوتـه
خل المثل من بينناشبـه مكبـوت=وباقي تفاصيل المجـال مغموتـه
اشوفلي ناسن مكاضيم وسكـوت=لاتنشدالساكـت يلجـك ابصوتـه
مافيه كود اسكـود والا بتريـوت=كل الذخايـر بالدفـاع محتوتـه

الشعر له ميزان والعقل له صوت=ولاكل رجل يشغل البال صوته
ارسلت لي ياصاحبي سبعة بيوت=من شاعر تطرب مزاجي بيوته
وانا بشعرك ياابيض الوجه مبخوت=ومثلك ذكي..ماكل معنى يفوته
لو كان في صدري مثل عين جالوت=واغصان روحي من ورقها محتوته
احاول اسلا بين طلعه وبالوت=والحزن ينسج ياعلي عنكبوته
اشوف لي ناس لها اسلوب ممقوت=وبعض الأوادم غايته جمع قوته
وقت تسيطربه حرامي وعكروت=وان جيته بلازم تقل جسم حوته
والشعر مبلي في رغاوي وسربوت=لو نحصي القاضين نحتاج نوته
وان شفت زين ازوال ياعلي وبشوت=الخبل ينطق لايغرك سكوته
الآدمي حاجز على رحلة الموت=حجزه موكد..رحلته ماتفوته
والوقت سيفه..فرّق عقاب عن نوت=وكم حاكم ذلّه ..وهدّم بيوته
واقبل تحيه صادقه طعمها توت=الله يكافيك العيون النحوته

حي الجزيل اللي على الصلب منحوت=مثل الذهب صح الضمير وسكوته
من ربعنا الشعار لو فاتنا الفوت=تقاسمو جزل الكلام وقنوته
ياقوم يا المنكوس في وقت بخوت=عن ساحة المسحوب ولت ثبوته
شلف المعاني حطته وسط تابوت=وان مرها الشعار ظني تشوته
لا شك يالشعار كان باقي حتوت=فكري يجاريكم على قدر صوته
كان المكظم علته داخل الكوت=خل المريض وعلته وسط كوته
كفيله الايام وبليس ريموت=يغوي مصيره لين يقلب سبوته
وراع القذايف ضدكم حقه البوت=على العلابي يطرقونه ببوته
والصقر ماينزل على شان كتكوت=في راس عيطا منزله مايفوته
واختامها تمر الحساء تقل بسكوت=مع دلة الرسلان والهيل قوته