اللي ذكرته سامعه قبل يا دحيم=ماكل ما جانا كلامٍ نبيحه
لو نلفت النبهه ورى كل تعميم=قضيت وقتي بين قومه وطيحه
وبلشت باللي يقلبون المفاهيم=عاداتهم ما ينطقون الصريحه
خطو الهبود مليم الهرج تلييم=إيوجه إركابه على كل ضيحه
حنا لو إندور عليهم مثاليم=نبحث خفاهم بالعلوم الصحيحه
إخباث النوايا واسعين الحلاقيم=بوجيهم تشوف للخبث ليحه
سود الوجيه مجمعة علم وعليم=والخير يعرف بالوجيه الفليحه
من سيرة الأجواد يكسب تعاليم=والعاقبة لأهل القلوب النصيحه