لو يدري المخلوق عن حكم الاقدار = مازادت احلامه وحكمه رضابه
اخذت لي مع سجه الفكر مشوار = زادت حلوم الصقر داخل قطابه
وليا كشف عن برقعه بالسماء وطار = يرضى بواقع ذلته في شبابه
اليا نقص رزقه عن الناس مقدار = يحس زايد ضلم وقته سطابه
ابشتكي لله من آلام الاعصار = بين العواطف والمشاعر تشابه
الله من قلب (ن) على صالي النار = من شين حضي سكر الرزق بابه
لاتنتقد فيني ترى الوقت غدار = تغط على جرح(ن) جديد بصوابه
اكن دمعي بين الامواق محتار = مايخدمك لينك بوقت الصلابه
ياليت حضي من عيالي ولد بار = ولا ابوي الجا لحضره جنابه
ازريت اشيل هموم دنياي واختار = اسهل دروب(ن) كلبوها صعابه
لو الشجاعه تغلب صروف الاقدار = قدحات راسي باللوازم عصابه
لو للحزن قسم(ن) من صكوك الاعسار = صكي عليه اختام كشرات نابه
لوهو من اجناس البشر طالبه ثار = حلت ذكاته والطرب في طلابه