واللي دعاني يوم جبت التصانيف=حبي لربعي والوفا ضمن مسعـاي

ياهاجسي هات القوافي على الكيف=يوم زانت الشبّه وميّلـت مركـاي
في لحظةٍ ماهي بتحتاج توصيـف=مع دلةٍ وقنـاد والثالـث الشـاي
ومن بعد ما علّيت منها تخاطيـف=داجت بي الافكار بقبال واقفـاي
وقمت اتذكر ما مضى من تصاريف=وانا وفايه من مضاميـن مبـداي
مشاعرٍ من داخلي ما بهـا زيـف=وجملة احاسيسٍ بهـا داي ودواي
يازين ضحكات النقا والعجاريـف=وصفو النفوس الطيبه غاية مناي
بين الربوع اللي بهم زدت تشريف=والمنهل الصافي ليا يبسـت دلاي
عيال راشد فزعة الجار والضيـف=يوم المبادي بين بايـع وشـرّاي
عند اللقا مثل السيوف المهاديـف=واهل العقول بحزة الشور والراي
شبابهم والشيب عنـد المحاريـف=كل يقول لصاحبـه دورك الجـاي
واللي دعاني يوم جبت التصانيف=حبي لربعي والوفا ضمن مسعـاي