دقيت لي رقم (ن) وانا فيه غلطان = ردت هنوف وردت الروح ليه
قلت السلام وقالت اهلين يافلان = وصوت ابو عابد ماخبره كذيه
قالت من انت وقلت انا اخوك سلطان = ابو شجون ومنه احلى تحيه
قالت وعمرك قلت ماهوب لزمان = خبره زمنا ما أكسبتني بليه
قالت ومنهم عزوتك قلت الاخوان = هم عزوتي من بعد رب البريه
خالد وعبد الله وهذاك ذيبان = هذاك ابو نايف ولا فيه زيه
اللي خويه ماينكس وينهان = سمه بكبد عداه من سم حيه
اشكي عليه من الزمن لاجرى وكان = وحط من زايد بلاويه فيه
قالت وشغلك قلت راقد وشبعان = من باب رزق الله يجيني شويه
مابه وضايف في وطن غير الاوطان = مايقبل الي مؤهله ثانويه
قالت طموحك قلت جندي بميدان = واجبه ذل اليا استلم من خويه
راتبٌه مايوفي لبيته بغرضان = ثلاث الاف وفوقهن صنف ميه
ولا مهر لامن بغا يجيب ورعان = مازوجه راتبٌه اشين بنيه
هذا طموحي بس ماهو بحصلان = ليه اتحلم حلم ماهوب ليه
يوم انكشف سري وسدي لها بان = قلت اسمعي يابنت انتي غبيه
لحمك طري والذيب مايشبع الضان = والي تسوينه حرام (ن) عليه
اخذ معك بالهرج واعطي وحيران = اقسم قسم مالي بك ايات نيه
مستقبلك لا تضيعينه مع فلان = لامن خلص منك يدور خويه
شرفك غالي مايقدر بالاثمان = واليا فقدتي هذي اكبر بليه
محتاج انا منك مع الشكر عرفان = نصيحتي لك محتسبها جزيه

المشاركة الأصلية كتبت بواسطة ابو يزن (المشاركة 96986) اخي الكريم ابو شجون هذه ليست قصيده ابدا ولاتمت للشعر باي صله فاذا كنت مبتدي بالشعر فارجو ان تستشير من يقرا لك القصيد حتى يرتقي مستواك واتمنى ان تحذف