|
ريح السمر
شوف الحطب فوق الحطب يطرب الروح=جو(ن)تمام ولا يجي فيه خله ريح السمر ماهيب عرفج ولا لوح=لي مع رفيق(ن) ذيب ماشبع وامله اسلا معه وهروجنا كلها مزوح=والهم مع حامي الهبايب نفله لضلم ضلام الليل نسهر على الضوح=لين الفجر محد(ن) تعدا محله صوت البريق بصالي النار له فوح=تمر(ن) خلاص ونص فنجال دله والصدر مابه سر يصبر عن البوح=سري كبير وصاحبي مايهله ماهيب لوعه حب او هجر مملوح=لا شك راس(ن) تسكنه الف عله تشوحه الاقدار من شوح في شوح=لو دمع عينه يكتمه مايهله يقوله الي مالي (ن) قلبه جروح=سيفه على صعب الزمن مايسله وسلامتكم للشاعر محمد بن حماد الفريدي (ابـو شجون) |
رد: ريح السمر الشاعر : محمد حماد الفريدي صح لسانك قصيدة جميلة للغاية شكرا لك على هذه الاضافة الرائعة اتمنى ان تطالع طريقة تنسيق القصيد حتى تستفيد عند وضع مشاركاتك الجميلة تقبل اجمل تحية وبانتظار جديدك |
رد: ريح السمر الشاعر : محمد حماد الفريدي صح لسانك قصيدة رائعه وتسلم على الأبداع تحياتي |
رد: ريح السمر ريح السمر ماهيـب عرفـج ولا لـوح لي مع رفيق(ن) ذيب ماشبـع واملـه اسـلا معـه وهروجنـا كلهـا مـزوح والهـم مـع حامـي الهبايـب نفلـه صح لسانك محمد حماد وانا اشهد انك ذيب قصيد |
رد: ريح السمر صح لسانك محمد بن حماد ومن ابداع إلى ابداعات |
رد: ريح السمر صح السانك ذكرتنا اجواء البر والربيع تدق ناقوس حبي للبر الله يرحمنا ويرزقنا السنه الجايه بالربيع وتسلم على هذه الدرر وبنظار جديد نضم رائع ومعاني أروع |
رد: ريح السمر قصيدة رائعة جدا ... شكرا لقائلها وناقلها ... لاهنتما .................. |
رد: ريح السمر صح لسانك واعتلا شانك |
| الساعة الآن 11:51 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir