|
اولاد راشد ملحقين المخلين . مناحي العوفي هذه القصيده لشاعر المبدع/ مناحي العوفي يثني على الاخ/ على عبيد الفريدي ويشكره على مواقفه الطيبه
الشخص يابو عبيد يذخر لثنتين=راي رشيد وقفة عند شده ----وانته وانا متقاسمين المسمين=زحول نجد ان جاوز العلم حده بيض الوجيه معدلين الموازين=والرجل منهاجه على نهج جده وانته من سلالت ربوع مسمين =اللي لهم بالمجد قامه وشده اعيال راشد ملحقين المخلين=وحزام من وقفت لياليه ضده تاريخهم له بالمعالي عناوين=ياكثر من تتعب ولا تنال قده خلد سطورة في سجل السلاطين=وذع ذع على كل الثقالين نده وشرواك يفزع به على العسر واللين=وحر ينومس من صقر به وهده وعز الرفيق ومكسب اللي موالين=وسيف نهار الضيق يضرب بحده اقوالها والناس بالفعل دارين=ومن بان فعله كل حي يعده ولا اطيع بالطيب كلام المغلين=لو ان مابيني وبينه موده وشلون وانت اقرب من الرمش للعين=وعروق اهلنا من بحر مستمده فيك افتخر لاهنت مبطي هالحين=ولاعمسن الابصار ماعنك صده واللي يبي يزعل يصك القشيعين=وإلا بعد يارد على بحر جده مايمدح الا اللي على الطيب ضارين=واللي لزومك لا نصيته يسده وإلا قصير الباع مع بارد العين=عن فزعته كبرت لي المخده مجارات سعد هذيل لمناحي العوفي :
نيابة عن ابن عبيد يامرحبا الفين=ترحيبة(ن) تظفي على نجد قده هلا تراحيب المطر عقب حولين=بطيب الكلام اللي نصانا مشده حييت يالعوفي راع المنطق الزين=يامرسل التمجيد اسمع مرده رد الثنا يبقى لكم عندنا دين=وزند اليمين ام الشحم لك نمده ياترثت العوفان نعمين نعمين=في لا بتك يالذرب هده ورده سقم المعادي بالملا قاظر يرين=ومجوز العزبان يكفي نعده عوق الخصيم ليا تعالى على الشين=يشهد لها التاريخ ورسوم خده اهل الحمية لنتخو بالميادين=لنا الفخر في طيبهم نستمده حبل الروابط بيننا الأصل والدين=والساس واحد والصحيح لمرده الطيب والمعروف عند الوفيين=يبقى رصيدي والليالي تعده وعلي وريث العود نسل الميامين=ومعرب الجدين من ساس بده من روس ربع(ن) للمراجل حريصين=قادة سلف يوم انها بالاشده لا لاحت الفرصة تعزوو بالادنين=قرناس بالنوماس يعرف مهده ماهي غريبه فزعته لجل عودين=ياخذ بها معروف واجر(ن) يسده من عند ربه خالق العبد من طين=يرجى جزاها يوم حصد المكده وانته ولد عمه ليا قيل من وين=ليا عدت الأنساب ثم قيل وده خذ الكلام اللي عليه البراهين=واقبل تحياتي مع الورد مده |
رد: اولاد راشد ملحقين المخلين . مناحي العوفي مناحي العوفي صح السانه وعلى بن عبيد وعيال راشد اهل لذالك والشاعر سعد بن هذيل الفريدي صح السانك كفيت وفيت ياراعي الوفاء والحميه |
رد: اولاد راشد ملحقين المخلين . مناحي العوفي صح لسان الشاعرين ويستاهلون عيال راشد هذا المدح وماقصرت ابو فهد وصح لسانك ولك تحياتي |
رد: اولاد راشد ملحقين المخلين . مناحي العوفي مشكور ابو فهد على اضافة هذه المساجلة الرائعة وعلي عبيد علمه غانم و الفرده يستاهلون المدح ورد الثناء واجب و مجراتك رائعة ترفع الرأس وقبيلة تستحق المدح والثناء |
رد: اولاد راشد ملحقين المخلين . مناحي العوفي شاعرنا القدير وعنوان الوفاء سعد بن هذيل صح لسانك مليون حضور رائع عن ربعك عيال راشد موقف جميل انت من اهله كفيت ووفيت بيض الله وجهك ابو فهد تثبت لنا دائما انك صاحب موقف ورد الثناء هي عادة الكرماء يستاهل المدح علي بن عبيد الفريدي وصح لسان الشاعر القدير مناحي العوفي يستاهل المعروف والعلم الغانم ... ابو فهد تقبل اجمل تحية على هذه الابيات الرائعة |
رد: اولاد راشد ملحقين المخلين . مناحي العوفي الشخص يابو عبيد يذخـر لثنتيـن راي رشيـد وقفـة عـنـد شــده وانتـه وانـا متقاسميـن المسميـن زحول نجد ان جـاوز العلـم حـده بيض الوجيـه معدليـن الموازيـن والرجل منهاجه علـى نهـج جـده وانته من سلالـت ربـوع مسميـن اللـي لهـم بالمجـد قامـه وشـده اعيـال راشـد ملحقيـن المخليـن وحزام مـن وقفـت لياليـه ضـده تاريخهـم لـه بالمعالـي عناويـن ياكثر مـن تتعـب ولا تنـال قـده نادرة من نوادر الشعر وفريدة من فرائد الأدب , جادت بها قريحة الشاعر الرائع / مناحي العوفي وقد احسنت اخي سعد بالرد فلك الشكر على هذه الوقفه الوفيه والغير مستغربه من اهل الوفا هلا تراحيب المطر عقـب حوليـن بطيب الكلام اللـي نصانـا مشـده حييت يالعوفي راع المنطـق الزيـن يامرسـل التمجيـد اسمـع مــرده رد الثنـا يبقـى لكـم عندنـا ديـن وزند اليمين ام الشحـم لـك نمـده |
رد: اولاد راشد ملحقين المخلين . مناحي العوفي اقتباس:
مشكوووووور ابو عمر الله يعطيك العافيه على مـــــــــــــرورك لا هنت |
رد: اولاد راشد ملحقين المخلين . مناحي العوفي اقتباس:
مشكوووووور والله يعطيك الف عافيه تسلم اخوي مزعل على اطلاعك |
رد: اولاد راشد ملحقين المخلين . مناحي العوفي [quote=ضيف الله بن علي;94547] مشكور ابو فهد على اضافة هذه المساجلة الرائعة وعلي عبيد علمه غانم و الفرده يستاهلون المدح ورد الثناء واجب و مجراتك رائعة ترفع الرأس وقبيلة تستحق المدح والثناء [/quote اشكر اعجــــــــــــابك لاهـــــــــــنت يابو مـاجـــــــد بارك الله فيك |
رد: اولاد راشد ملحقين المخلين . مناحي العوفي الا خـــــــــــــوه لاعزا / منـــصــور الوسوس/ ولاخ ابو زيـــــــاد اخواني لاهنتم على المرور العطر والكلام الطيب وان دل على شي فهو يدل على مقامكم العا لي وسيرتكم الطيبه واشكركم شكرأ جزيل والله يوفقنا وياكم وخواننا المسلمين اجمعين |
| الساعة الآن 03:29 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir