# # عـظـم العـرب # #

المشاركة الأصلية كتبت بواسطة منصور الوسوس صح لسانك مليون يبو عمر قصيدة جميلة ومداعبة رائعة ومدح برجل يستاهل الثناء بيّض الله وجهك يبن جضعان والفريد يستاهل المدح ماقصرت والحمدلله على السلامة يسلم عليك محمد العبدالكريم يقول هذا اعتراف صوّر القصيدة يقول لازم يمر علي السبت ويجيب بطاقته معه صح بدنك بومحمد وش اسوي الفريد اقشر وبعدين انا أصلاً امشي 120 ك فقط بس أمن الطريق يوم خالفوه قالوا يمشي 195ك الشروكي يقطيع على 110ك الف شكر على المرور والسير

بسم الله الرحمن الرحيم
ابو عمر اخ عزيز وغالي وصاحب فكاهيات كثيره ومقالب وهذه الابيات الفكاهيه
رداً على ماعمله في تلك الليله والصوره تتضح لكم من المقارنه بين القصيدتين :

يـابـو عـمـر تـبـا الحقـيـقـه جـلـيّـاتـرى ذيـك الليلـه توثّـمـت ياشـيـن

كنـت اتوقـع منـك عطـف وحمـيـاوهديـتـك روعــه تـهــد البـعـاريـن

فاجأتـنـي واللـيـل مـاهــو صـريــايمـوج بقطـاع الطـرق والمجانـيـن

والمـوت يامشـكـاي مـالـه سمـيـاالموت واحد والسبـب لـه عناويـن

روعتـنـي والقـلـب مـاهــو خـلـيـاوايضا بعد تمسـاح ركْبـه شياطيـن

عـلـى دركـسـونـه تـعـاقـب يـديــاوتسمرت رجلي على بنـص بنزيـن

وفـي وقتهـا طـرت علـيّ الوصـيـاوصـارت تراودنـي الاحـلام يوميـن

عــز الله انــك بالمـقـالـب جـريــاومسـلّـطٍ عـلـى كـبـار المسنّـيـن

مـعـك عـجـوزٍ زادت الـغــيّ غـيــامقـرّهـا بـاطـراف بقـعـا وجانّـيـن

كيف ابا اسامح مـن علاجـه عصيـامن يكفله من يكفله يالمسلمين؟؟

********
وسلامتكم

صح لسانك يالفريد
الله يعينك على ابو عمر حيث انني لااتوقع انت تكون الاخيره
لكن شد حيلك والجايات اكثر
دامت روح الدعابة بينكم
اتحفتمونا بتلك الابيات الجميلة
دام عزكم

صح لسان ابو عمر وصح لسان ابو عبدالعزيز مساجلة طريفة ورائعة

تقبلوا خالص تحياتي

ابو عبد العزيز صح السانك رديت واكفيت ؟؟

( من يكفله من يكفله يامسلمين) ازبن على الشرطه يامل الشحم


؟؟ سوالي مادم ان ابو عمر مازال وراك ماحد يقدر يتدخل في وضعكم

كود الحكومه وعساها تقدر
تحياتي

ماقصرت رد في غايه الروعه وبصراحه انا بعد هذا الرد الرائع اعتبر نفسي مستسلم

ورافع الرايه البيضاء وعفاء الله عن ماسلف

وتبقى يا بوعبدالعزيز الاخ والصديق العزيز على قلبي وملجاي بعد الله عند ماحس بضيقة الصدر

الله لايحرمني منك يامستشاري الخاص وتاج راسي عظم العرب

المشاركة الأصلية كتبت بواسطة علي الجضعان

المشاركة الأصلية كتبت بواسطة خلف الفريد

بسم الله الرحمن الرحيم
ابو عمر اخ عزيز وغالي وصاحب فكاهيات كثيره ومقالب وهذه الابيات الفكاهيه
رداً على ماعمله في تلك الليله والصوره تتضح لكم من المقارنه بين القصيدتين :

********
وسلامتكم

صحت السنتكم جميعا وما اجمل الدعابة بين الاخوان دمتم بعز وفرح وسرور

هلا ابو عمر مرة اخرى
عذرك وقبلته يالذيب لواني ماني متطمن ههههههههههههههههه
اما ابن هذيل فشكرا له على هذه النصيحه لي ...
واظنها تعجب ابو عمر
واشكر الجميع على جمال التعليقات، آنستمونا آنسكم الله ، ورضاكم ومتعتكم مبتغانا ...
لاعدمتكم
..............