قصيدة ابن سدحان بااللكزس

صح لسانك مشكور

صح لسان القائل وسلمت يد الناقل

كبير ياعبد العزيز
وتسلم يمينك ياعبد الله على هالنقله

استاذنا عبد العزيز ودوم نتعلم منه .. يسلم راسه وراسك ياعبد الله

المشاركة الأصلية كتبت بواسطة عبدالله بن راشد

هذه قصيده للعضو ابن سدحان الشاعر عبدالعزيزبن راشدالفريدي بمناسبة اجتماع السداحين من الفضول في عيدالفطر الماضي واترككم مع القصيده

ياالظيق ماهي على ماقالو طواله=عطني مجال أخذ انفاسي واخليها
حاله مهي بي حاله حالتي حاله=ماكل طاروق لا جبته يكفيها
اندب لها هاجس تسعفني جزاله=حتى يعبر عن النفس وخوافيها
لاقمت اغني بطاروقه ومواله=اما يزيد الشقاء والايسليها
الله على اللي شراها يعتبر طاله=ماكل رجال يا رجال يشريها
ياكثرهم حولها حوافة الصاله=وياقل دفاع قيمتها وقانيها
سيارة شغلها كله على الاله=زر تشغل به وزر يطفيها
ماهو على خشمها تمثال الانباله=لاجيت اوصف علامتها واحليها
كنك تناظر بعينك في يد بياله=بدريق والقهوجي قدمك موطيها
والا كما يد هنوف بس في حاله=لحظة على خصرها حطت حدى يديها
لكزس وعبداللطيف موصي عياله=تحشم مثل ما يحشم النوق راعيها
اللون لون برده والمزن هماله=او لون وضحا مربعة مراعيها
مع فتحة السقف غترة كنق وعقاله=توه مظبط مرازمها وكاويها
والدرب لا من بغيته ترسم اطواله=وتظغط على الذاكره حتى تهييها
وتبدى تبرمج لك امتاره مع امياله=وترجع تحدد مسافاته وتمشيها
واللي تطوفه ليا طفته يوراله=انه تعداه حاجه ماجزم فيها
ينظر خلاف ويمين وينظر شماله=ويرجع يناظر بها قدمه ويخطيها
وصفتها مار لا سالي ولا داله=النفس ما تدله الا بين اهاليها
لا جيت حفلة ذوي سدحان وعياله=في ديرة باالولد والمال نفديها
سجيت والظيق راح ومالي وماله=واجهت لي ناس استانس بطاريها
ونفسي تغلب على همي وتغتاله=قرب الجماعه وشوفتهم تسليها
ربعي ليا جا اللزوم وكبرت القاله=من فضل ربي علينا ما نحاتيها
سلالة من سلاله تتبع سلاله=على معزه من اولها لتاليها
من روس قوم تذلل كل عيّاله=لا وصلت راشد الاول عزاويها
لبوي في ذكرهم بيت من اقواله=من ظمن مقطوعة جزله معانيها
يقول بين الجماعه تكبر أماله=حتى الجيوش العظيمه مايباليها
ماعاد يشقى بقوة بوش وامثاله=والصين وانقلترا واللي يواليها
قاله وانا ارجع وقوله مثل ماقاله=احاول امشي على اقواله واسويها
اشيل فكره مهو بس اسمه اشتاله=شيبانا ننقل ارياها واساميها
يقولها شاعر ما جا على باله=الا بيوت تجمل يوم يلقيها
وصلو على المصطفى واصحابه واله=شفيع زلات الامه عند باريها

الشاعر

عبدالعزيز راشد

لله درك على هذه التحفه الشعريه

لوحة مدهشه ...مطرزة بأحرف من ذهب

من شاعر حقيقي....شاعر متمكن

بل محترف...يترك اثر واضح وبصمة لاتزول

عبدالعزيز.......اراهن على شاعريته

واسعد بموهبته .....والجميل انه شاعر

يمتلك رزانة العقل...ورجاحة الراي...

شاعر مرهف احساس...كريم الأساس

حباه الله القبول ...يحترم شعره

تأتيه القصيده...ولايأتيها...ي

كتب من صادق اعماقه

عبدالعزيز سيكون له شأن ....

وحتى لو طال غيابه

فهو يأتي كالمطر ...ت

نبت بهطول مشاعره

ازهار الجمال ....ويهب نسناس روحه

لينعش قلوبنا التي ارهتقتها متاعب الحياه

ويطرب اسماعنا التي ازعجتها

تلك (الطبول) الجوفاء

عبدالعزيز راشد

انا الفعل فخور بشاعريتك

واقبل مشاعري المهداه لك واخوانك

في الرد على اخوي واخوك(عبدالله)

في قصيدتي (صوت الحقيقه)

ادام الله بيننا الموده ولكم ياعيال راشد

واااافر تحياتي وجزيل شكري

لا جيت حفلة ذوي سدحان وعيالـه=في ديرة باالولـد والمـال نفديهـا
سجيت والظيق راح ومالـي ومالـه=واجهت لي ناس استانس بطاريهـا
ونفسي تغلب على همـي وتغتالـه=قرب الجماعـه وشوفتهـم تسليهـا

ونعم والله
الله يديم جمعتهم على الخير
صح لسان الشاعر وسلمة يد الناقل