|
رد ثناء للرائد/ نواف ابن نومان .. بسم الله الرحمن الرحيم السلام عليكم ورحمة الله وبركاته يشرفني اهداء هذه القصيدة عبر منتدانا الكريم الى الرايد / نواف خصيوي بن نومان الفريدي صاحب الأيادي البيضاء بالكرم والنخوة والمواقف المشرفه للحربي وغيره .. اقــــــــــــول :
يامسوي الخــولان كــيف الشواريـــب = انتــــــاج صــنعاء للــمــولع غرامــي بــريــة (ن) والعــود الأزرق لها طـيب =سقــها لنواف الخصــيوي لـزامــي يستاهل ابو بـــدر عريب الـــمجــاذيب =من روس ربعي والخوال العمامي هو تاج راسي عزوتي كاسب الطيب =حــراً شهر بالــجــو فــعله اقطامي عــلــى المراجــل مــاكــره بالمراقيب =وفي ساعة النخوة وذكر الأسامي نــــواف ياقـــف فـــي نهار الأصاعيـب =حلال صعبات المــواقف حـــزامــــي أفخر وتفــخر لابـتـي والاجـــانـــيــــب =لـــيـــا حل ذكره بالمجالس وسامي مرفـــوع قـــدره عــند عطر الأشانيب =بالطــيب والــنوماس ذكره ســنامي تسلم يـمـينـك يـــا حصـــان الاطاليب =ياطــيـــب الســـيره وذرب الكـــلامي لــولا الجـمــايــل ماكسبت الاصاحيب =وعليت صيتك فــي جــميــع الأنامي صفحة ثناء تكتب على الصدر والجيب=والشــــكر والعــرفان لابن الكرامــي ( تنسيق : الشبل/ احمد بن سعد بن هذيل الفريدي ) |
رد: رد ثناء للنقيب / نواف ابن نومان .. صح لسانك ابا فهد ويستاهل المدح وأنت أهل للمدح مشكور على اضافة هذه الرائعة ومشكور على سقيا المجالس من معينك العذب . تنسيق ولا اروع منه ايها الشبل :d |
رد: رد ثناء للنقيب / نواف ابن نومان .. هلا ابو فهد صح لسانك وعلا شانك ويستاهل نواف المدح والثناء وهو المعروف عند ربعه بالعلوم الطيبه ..... ولاشك ان من يعمل المعروف لايعدم جوازيه .... اشكرك على الوفاء لاهل الوفاء ... ..... وتراك غلبتا بهذا التنسبق والحروف اللي تلامع وللعلم هناك طريقة للتنسيق موضحة بالاعلى لاهنت ............. |
رد: رد ثناء للنقيب / نواف ابن نومان .. يستاهل النقيب / نواف الفريدي والطيب طيبه لربعه يرفع اسم ربعه عند الاجناب بالفعل الغانم وابن نومان علم على راسه نار وانت ياابا فهد صح السانك بيض الله وجهك على الثنا لبن عمك وهاذي عوايدك |
رد: رد ثناء للنقيب / نواف ابن نومان .. صح لسانك ويستاهل ابو بدر والرجال مترقي برتبه رائد له سنتين الان ويستاهلها |
رد: رد ثناء للنقيب / نواف ابن نومان .. يستاهل ابن نومان ,,, صح لسانك ابو فهد والشكر موصول لبناخيي الشبل احمد سعد بن هذيل ,,, سلمت يمناك يا الفريدي |
رد: رد ثناء للنقيب / نواف ابن نومان .. ابو مـــــــــــــــــاجد بارك الله فيك وشكر لاهنت |
رد: رد ثناء للرائد/ نواف ابن نومان .. ابو فهد صح لسانك ودامت ايامك تعودنا منك الوفاء وحسن الثناء لمن يستاهله هكذا انت دائما تتواجد لتبدع يستاهل نواف تلك الكلمات النابعة من القلب الابيض ونقول له شكرا لك دائما تبيض وجيه ربعك فلا يحل لك طاري الا وتذكر بخير وحملت اسم القبيلة فنعم الرجل الامين الذي شهر اسم ربعه بكل علم غانم فدمت لنا شكرا لك ابو فهد ودمت لنا ذخرا تقبل اجمل تحية لشخصك الكريم |
رد: رد ثناء للرائد/ نواف ابن نومان .. الا خـــــــــــــــوه الاعـــــــــــــــــــــ زاء خــــلف الفريد والجــــــــــــار البناخي علـــــــــــــــــــي الجضعا ن و ولــــــــــــد الذيب وابو راكــــــــــــــــــــــ ـــان ؟؟؟ تســــــــــــــلمون على مشــــــــــــــاعـــــــ ــــــركم الــطـــيـــبـــه ولــكــم مـنـي الشكر والثناء مع التنويه والاعتذار على الخطأ في مسمى الرتبه وأقول لولد الذيب الله يذكرك الشهاده علماً ان القصيده قلتها قبل 5 سنوات عندما كان نواف نقيب ... |
رد: رد ثناء للرائد/ نواف ابن نومان .. اهلاً وسهلاً ومرحبا مليووووووون بـــالـــتــرلـــيــووووو ون بالأخ الصادق الوافي .. مشكوووووووووووووووووووووو وووووووور عــلــى شـعــوووووووووووورك ... |
| الساعة الآن 01:13 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir